صادق پبلک سکول

صادق پبلک سکول بہالپور دا جڳ مشہور تعلیمی ادارہ ہے۔ صادق پبلک سکول 18 جنوری 1954 کوں قائم کیتا ڳیا ہا۔ نواب سر صادق محمد خان عباسی 4 مارچ 1953 کوں صادق پبلک سکول دا ایرا رکھیا۔ صادق پبلک سکول ریاست بہاولپور دے وزیر اعلی مخدوم سید حسن محمود دی زیر نگرانی چلدا ریہا۔ بہاولپور دی حکومت 19 لکھ روپے نقد تے 450 ایکڑ رقبہ سکول دی خاطر دان کیتا۔ سکول دے 50 سال پورے تھیوݨ تے پاکستان ڈاک 4 روپے دا ہک یادگاری ٹکٹ جاری کیتا ہا۔ عمران خان، رمیز راجہ تے وقار یونس جہیں جڳ مشہور کھݙکاریں سمیت کئی وݙے سیاستدان تے فوجی افسران وی ایں سکول وچ زیر تعلیم رہ چکے ہن۔