صادق پبلک اسکول

صادق پبلک اسکول
صادق پبلک سکول دے کرکٹ پویلین دی تصویر
"Do The Right Fear No Man"
قیام	18 جنوری 1954
پرنسپل	میجر (ر) سید منیر احمد
محل وقوع	بہاولپور صوبہ پنجاب
صفحہ اولین	http://www.sps.edu.pk

صادق پبلک سکول، ضلع بہاولپور، صوبہ پنجاب، پاکستان دا ہِک مشہور اقامتی مدرسہ ہِے۔ اِیہ 18 جنوری 1954ء کوں قائم تِھیا ایں طرح اِیکوں بݨے ہوئے 50 ورھے دا ویلا تھی ڳِیا ہِے۔

تشکیل

صادق پبلک سکول دا ایرا 4 مارچ 1953 کوں نواب سرصادق محمد خان عباسی پنجویں نے رکھیا ہئی۔ ایہ سکول بہاولپور دے وزیر اعظم مخدوم زادہ سید حسن محمود دی نگرانی وِچ بݨایا گیا ہئی۔ بہاولپور دی حکومت نے اِیں سکول کیتے 19 لکھ روپے تے 450 ایکڑ زمین ݙتی ہئی۔ ایہ سب کُجھ 9 مہینے وِچ ای بݨ کے تیار تھی ڳیا ہئی۔ صادق پبلک سکول انگریزاں دے دور دے سکولاں وانگوں ہے۔

تنظیم

صادق پبلک سکول ترے حِصّیاں وِچ ونڈیا ہوئیا ہِے۔

• جونیر اسکول (گریڈ 1-5)
• پریپ اسکول (گریڈ 6-8)
• سینیر اسکول (گریڈ 9-12)

ادارے دے اڳواݨ

جناب خان انور سکندر خان صادق پبلک سکول دے پہلے پرنسپل ہن۔ شروع وِچ سکول وِچ 37 طالب علم تے 7 استاد ہن۔ خان صاحب 18 سال تئیں ایں سکول دے پرنسپل ریہے۔ اُنّھاں دی خدمت دے بدلے اُنّھاں کوں ستارہ خدمت دا ایوارڈ ݙتا گیا۔ 1972 وِچ جݙݨ خان صاحب ریٹائر تھئے تاں اُنّھاں دی جاء تے ابو ظفر حنیف کوں پرنسپل بݨایا ڳیا۔ اُنّھاں دے بعد 1974 توں 1990 تئیں کرنل (ر) ظہور الحق تے 1990 توں 2001 تئیں آغا خلیل احمد پرنسپل ریہے۔ اُنّھاں دے بعد پروفیسر محمد آصف ملک ستمبر 2002 وِچ پرنسپل بݨے تے نومبر 2007 تئیں ایہ کم کریندے ریہے۔ ہُݨ موجودہ پرنسپل میجر (ر) سید منیر احمد ہِں۔ اوہ نومبر 2007 کنوں ایہ کم کریندے پئے ہِن۔

٥٠ سال

• 18 جنوری 2004ء کوں سکول دے قیام دے 50 ورھے پورے تھئے۔
• سکول دیاں 50 ورھیاں آلی تقریب دے موقع تے پاکستان ڈاک نے ہِک 4 روپے دی یادگاری ڈاک ٹکس جاری کِیتی۔ ایہ ڈاک ٹِکس 28 جنوری 2004 کوں جاری کِیتی ڳئی۔