صادق بشیر

ج۔21-1-1946

محمد صادق بشیر سئیں حاجی محمد دین بشیر دے پُتر ہِن ۔ محمد دین بشیر سئیں حضرت خرم بہاول پوری دی پوترے ہَن۔ اپݨے پیو ݙاݙے وانگوں سرائیکی زبان و ادب نال اَݨ کھٹ محبت کریندن۔انہاں 1967ء اِچ’’ رَت دیاں ہنجوں‘‘ دے ناں نال سرائیکی شعراء دا کلام مرتب کیتا ۔ ایں دوران انہاں دی نوکری پنجاب سمال انڈسٹریز اِچ تھی ڳئی تے وَل نوکری انہاں دی شاعری کوں کھا ڳئی۔ اَحٖ کل اپݨے ݙاݙے حضرت خرم بہاول پوری دے کلام تے کم کریندے پِن۔ اُنہاں دی ہک غزل تبرک دے طور تے حاضر ہے۔

ہوندے عشق جنہاں دے صادق

رہندے نین اُنہاں دے تر تر

غزل

تیݙے عشق پھرایا دَر دَر

میں ہُٹھ پئی آں چارے کر کر

تیݙیاں لیکاں لیندن بھیڑے

پِیاں قیل مقالاں گھر گھر

ونڄ روندی ہاں ہک پاسے

ناں گھندی ہاں تیݙا ݙر ݙر

ݙیکھاں مِلسوں جا نہ مِلسوں

پوندن پور تے ویندی ہاں مر مر

ہوندے عشق جھاندا صادقؔ

راہندے نیݨ اُنہاندے تر تر

حوالہ

کتاب احمد پور شرقیہ اِچ سرائیکی غزل دی ٹور، مصنف : عبدالباسط بھٹی ، ناشر : جھوک پبلشرز ، ملتان