صابر دے کم

اسیݙا ہک سکا صابر مٹی دے ماڈل بݨیندے ۔ مسیت ، مینار ، مقبرے ، بس ، ٹریکٹر ، ریل انجݨ ۔ دنیا دی جو شئے ݙیو بݨا ݙیندے ، ہُݨ ٻڈھڑا تھی ڳے وَل مٹی دیاں تسبحیاں  بݨا ݙیندے ، نہ داد ، نہ صلہ ، نہ ستائش ۔ پتہ نی ایجھے کتنے لوک مٹی ءِچ مٹی تھی ڳن ۔ اَدا بَلی سوہݨی بنسری وڄیندا ہا ، بنسری وَڄا وی گھندا ہا بݨا وی گھندا ہا ، مولیر شموں  توں  بین وڄاوݨ بس ہا ۔ چاچا شقی جمالی نغارے سوہݨے وڄیندا ہا ۔ صابر دا بھرا اللہ بخش کافیاں  سوہݨیاں  ڳمدا ہا۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان