صابر جمالی

صابر جمالی دا اصل ناں محمد صابر ہے۔ انہاں دی پیدائش 26 جنوری 1936ء کوں شہر بہرائچ دے محلہ چاند پورہ وچ تھئی۔ آپ دے پیو دا ناں منشی سالار تے ماء دا ناں حشمت جہاں ہئی۔ آپ بہرائچ دے مشہور استاد شاعر بابا جمالؔ بہرائچی دے شاگرد رشید ہن۔

حالات

صابر جمالی نے اپݨی ابتدائی تعلیم مکتب مسعودیہ جامع مسجد شہر بہرائچ توں حاصل کیتی۔ بعد وچ انہاں نے جامعہ اردو علی گڑھ توں ادیب دی سند حاصل کیتی۔

ادبی خدمات

صابر جمالی ہک کہنہ مشق شاعر ہن۔ آپ دے استاد ضلع تے شہر بہرائچ دے مشہور استاد شاعر بابا جمال الدین جمالؔ بہرائچی ہن۔ بابا جمال دی شاعری دا سکول روز شام کوں شہر دے شاہی گھنٹہ گھر پارک وچ لڳدا ہئی۔ جتھاں بابا جمال اپݨے شاگرداں دے کلام دی اصلاح کریندے ہن۔ بابا جمال دے شاگرداں دی ٻہوں لمبی لسٹ ہے جیندے وچ شاعر جمالی، صابر جمالی، نعمت بہرائچی، رزمی بہرائچی، نجمی جمالی بہرائچی وغیرہ ٻہوں مشہور تھئے۔ صابر جمالی نے شاعری دی ہر صنف حمد، نعت، غزل، منقبت، نظم، قطعہ وچ اپݨی شاعری کیتی ہے۔ آپ دا کوئی شاعری مجموعہ شائع نہیں تھیا۔ آپ اڄ وی ادبی نشستاں تے مقامی مشاعریں وچ شرکت کریندن۔

ادبی شخصیات نال رابطہ

صابر جمالی دا تمام ادبی شخصیات نال رابطہ رہیا جنہاں وچ خاص طور تے محسن زیدی، وصفی بہرائچی، اظہار وارثی، اثر بہرائچی، جواد وارث، ڈاکٹر سعید عارفی، عبرت بہرائچی، کامل بہرائچی، نعمت بہرائچی، شاعر جمالی، شوق نیپالی، اطہر رحمانی وغیرہ نال آپ دا رابطہ رہیا۔

نمونہ کلام

آو بتلائیں تم کو ہے کیا دوستی		راستی کا ہے اک فلسفہ دوستی
جس میں صحرا بھی گلشن نظر آئے گا		ہے محبت کا وہ آئینہ دوستی
ڈگمگائی ہے جب کشتی زندگی		دوستو بنگئی نا خدا دوستی
منزلیں کیوں نہ چومیں حو اس کے قدم		ہر قدم جس کی ہے رہنما دوستی
ہیں ازل تا ابداس کی رعنائیاں		ا بتدا دوستی ،انتہا دوستی
نفرتوں کے بھی تاریک ماحول میں		دے رہی ہے صدا پہ صدا دوستی
ہے تقاضا محبت کا صابر یہی		جس طرح بن پٹرے تو نبھا ودستی