صابر انصاری
صابر انصاری 13 اگست 1970 ء کوں محمد رفیق انصاری دے گھر ملتان اچ پیدا تھئے ۔ ایف اے تئیں تعلیم حاصل کیتی تے بزنس شروع کیتا ۔ 1998 ء اچ شاعری دا آغاز کیتا تے سعید عاصم دی شاگردی اختیار کیتی ۔ انہاں دی ہِک کتاب جدائی مار دیتی ہے سامݨے آئی اے ۔
اصل ناں صابر علی انصاری
قلمی ناں صابرؔ انصاری
جمن 1970ء
تعلیم ڈی کام
فون نمبر 03006361468
جاہ پتہ محلہ آغا پورہ دہلی گیٹ ملتان
شعری مجموعہ ’’جدائی مار دیتی ہے‘‘دے خالق صابر انصاری 1970ء وچ محمد رفیق سعیدی دے گھر ملتان اچ پیدا تھئے۔صابر انصاری بنیادی طور تے اردو دے شاعر ہن۔ کیوں جو سرائیکی ماحول اچ انہاں دا جم پل تے پرورش تھئی ہے ،تہوں اوہ سرائیکی اچ وی خوبصورت شاعری کریندن۔صابر انصاری زبر دست خدا داد صلاحیت دا حامل موزوں طبع فطری شاعر ہے۔اوہ اپنے ہمعصر ملتان دے شعراء وچ ممتاز مقام رکھدے۔صابرؔ انصاری ہک مہذب تے مؤدب نوجوان ہے، جیڑھا اپنی ذات اچ ہک انجمن ہے۔
صابر ہک خوش اخلاق ، ملنسار تے دوست احباب دا وفا شعار یار بیلی ہے ،تے بزرگیں دا انتہائی ادب و احترام کرن آلا ’’با ادب با مراد‘‘دا صحیح معنی مصداق ہے۔ادبی تنظیماں ،این جی اوز تے قومی اخبارات وغیرہ دی طرفوں آپ کوں سینکڑے اسناد و ایوارڈز مل چکے ہن۔ادبی تنظیم ’’انصارِ ادب‘‘ ملتان دے آپ چیئر مین ہن۔جڈاں جو 12مئی1917ء کوں انصار ادب دے زیرِ اہتمام آپ کوں عالمی نعتیہ مشاعرہ کراون دا اعزاز حاصل ہے۔جیندے وچ 5ملکاں دے شعراء نمائندگی کیتی۔تے ایویں صابر انصاری کوں پاکستان دے مختلف شہراں وچ تھیون آلے کل پاکستان مشاعریاں وچ ملتان دی نمائندگی کرن دا شرف حاصل ہے تے ہُن صابر صاحب دا سرائیکی غزلیہ کلام پیشِ خدمت ہے۔
(1) غزل
[لکھو | ماخذ وچ تبدیلی کرو]رُخ توں پردہ ہٹاوناں پوسی چندر چہرہ ڈکھاوناں پوسی
دور فرعونیت دا ول آگئے بن کے موسیٰ ڈکھاوناں پوسی
ڈورے لوکاں دے شہر وچ ساکوں روز اُچّا الاوناں پوسی
سیک دھپ دا پجالی ویندا ہے ون کوئی ویڑھے لاوناں پوسی
اکھیں ظالم دے اکھیں وچ پاکے زُعم اوندا ونجاوناں پوسی
اپنی سکھ سیت کیتے صابر سئیں اپناں صوبہ بناوناں پوسی
(2)غزل
[لکھو | ماخذ وچ تبدیلی کرو]تھی گئی ہے ڈیس تے ہُن رات ول سجھ کو ںآکھو آکے پاوے جھات ول
کون ڈیکھے ساڈیاں مجبوریاں ڈے گئے اپنے اساکوں مات ول
ہے اندھارا روشنی دے شہر وچ تھی گئے مشکل بہوں حالات ول
ہانویں توں تکمیل میڈی ذات دی آکے میڈی کر مکمل ذات ول
قتل و غارت ڈیس وچ ہے جا بجا ملدے پئے ہن قوم کوں صدمات ول
_____________________________
جتنا ساکوں زمانے لتاڑیئے اتھاں
اُتناں تقدیر ساکوں سکھیندی رہی
٭٭٭