شیما کرمانی

شیما کرمانی
سندھ وِچ صوفی کانفرنس دے وِچالے کرمانی ہِک پرفارمنس کرین٘دے ہوئے
معلومات شخصیت
پیدائش	16 جنوری 1951ء (74 سال)  راولپنڈی
رہائش	پاکستان
شہریت	پاکستان
عملی حیاتی
پیشہ	رقاصہ ،  کارکن انسانی حقوق ،  کوریوگرافر
وجہ شہرت	Activist, theater director, and dancer
	IMDB پر صفحہ

شیما کرمانی یا کرمانی (اردو: شیما کرمانی، کنوں) (ڄَمّݨ دا سال: 1951ء) ہِک پاکستانی سماجی کارکن، زنانیاں دی تحریک "سَبھا" دی بانی اَتے بھراتناتیم رقص دی ماہر ہِے۔ کرمانی پاکستان دے شہر راولپنڈی وِچ ہِک متوسط درجہ (مڈل کلاس) پڑحے لکّھے ٹَٻّر وِچ ڄَمّی ہَئی۔ انّھاں نے کراچی وِچ جیزس اینڈ میری کانوینٹ سکول وِچ تعلیم گِھدّی جین٘دے بعد اُوہ لندن چلی ڳئی جتّھاں کنوں آرٹس وِچ ڈگری گِھن کے پاکستان وَل آئی۔ اِیں نے محسوس کِیتا جو پاکستانی معاشرے وِچ ناریاں کوں سماج وِچ برابری نِھیں مِلدی پئی اِیں کِیتے اُوں نے ہِک تحریک دا اَغاز کِیتا جین٘دا ناں "تحریکِ نسواں" ہِے۔ اَتے زنانیاں دے حقوق، صحت دے اُمور، تعلیم اَتے برابری کِیتے اَواز چاتی۔

کرمانی دا پِیؤ پاکستانی آرمی کنوں ریٹائرڈ بریگیڈیئر اَتے کے الیکٹرک دے چیئرمین ہَئی۔ شیما نے آپݨی تعلیم کنوینٹ سکول کنوں گِھدّی۔ اِین٘دی پہلی کلّھی کارکردگری (سولو پرفارمنس) 1984ء وِچ پاکستان وِچ تھئی۔ اِیہ کراچی وِچ تھیٹر ڈائریکٹر پراسانا راما سوامی دی اڳواݨی وِچ تھیٹر ورکشاپ وی پیش کرین٘دی ہِن اَتے کراچی وِچ تحریک نسواں دی اڳواݨ وی ہِن۔ ہندوستان وِچ آپݨے ہِک دورے دے وِچالے انّھاں نے لیلا سیمسن کنوں اودیسی اَتے الوکا پینیکر کنوں بھرتناتیئم رقص سِکھا ہَئی۔

2017ء وِچ سیہون اُتے دھمال

2017ء وِچ سیہون شریف وِچ قلندر شہباز دی دربار اُتے مذہبی شدت پسنداں نے بربریت آلا خود کش حملہ کِیتا جین٘دے بعد شیما کرمان نے اُتّھاں ون٘ڄ کے دھمال لائی۔ اِیں نے مست الستی وِچ دھمال اُتے پرفارمنس ݙے کے میڈیا کوں ݙسایا جو راگ موسیقی اَتے رقص کوں کُئی وی نِھیں روک سڳدا۔