شیلی لوبن

شیلی لوبن
(انگریزی میں: Shelley Lynn Moore)
معلومات شخصیت
پیدائش	18 مئی 1968ء   پاساڈینا، کیلیفورنیا
وفات	9 فروری 2019ء (51 سال)
وجہ وفات	عَجزِ قلب
شہریت	ریاستہائے متحدہ امریکا
آنکھوں کا رنگ	سبز
بالوں کا رنگ	سنہری
عملی زندگی
پیشہ	فحش اداکارہ ،  مصنفہ ،  گلو کارہ ،  ادکارہ
مادری زبان	انگریزی
پیشہ ورانہ زبان	انگریزی
	IMDB پر صفحہ

شیلی لوبن (Shelley Lubben) ہک سابقہ امریکی فحش اداکارہ ہئی جیڑھی 1968ء وچ پیدا تھئی۔ اوں 20 سال دی وی کائنی تھئی جو پیسے کیتے بے راہ روی دا شکار تھی ڳئی تے راکسی (Roxy) دے ناں نال جنسی فلماں دی دنیا وچ داخل تھئی۔ اوں شراب تے نشے دی عادی تھی ڳئی۔ جنسی فلماں وچ کم کرݨ دی وجہ توں اوں رحم دے کینسر تے ہرپس دا شکار تھئی۔ ہسپتال وچ قیام دے دوران اوں توبہ کیتی تے خدا دے پاس واپس ونڄݨ دا فیصلہ کیتا۔ ایں دے بعد اوں شادی کر گھدی تے مذہب تے الہیات دی تعلیم حاصل کیتی۔

اوں آپݨے شوہر دے نال رل تے دی پنک کراس فاؤنڈیشن (The Pink Cross Foundation) بݨائی، جیڑھی جنسی فلماں دی صنعت دے خلاف کم کریندی ہئی تے عطیات جمع کر تے پورن انڈسٹری وچ ملوث اداکاراں دی مدد کریندی ہئی۔ ایں تنظیم نے ہک مختصر دستاویزی فلم وی بݨائی جیڑھی انہاں سینکڑاں جنسی اداکاراں دے بارے ہئی جنہاں نے یا تاں خودکشی کر گھدی یا پھر مہلک تے لا علاج جنسی بیماریاں دا شکار تھی کے مر ڳئے۔

2010ء وچ شیلی لوبن نے "Truth Behind the Fantasy of Porn: The Greatest Illusion on Earth" دے ناں نال ہک کتاب چھاپی جیندے وچ اوں پورن انڈسٹری وچ کم کرݨ دے دوران آپݨے تجربات لکھے تے ݙسایا جو کین٘ویں پردے دے پچھوں جنسی اداکاراں نال وحشیانہ سلوک کیتا ویندا ہئی۔