شیر شاہ

شیر شاہ ضلع ملتان دا ہک قصبہ ہے۔ ملتان توں نو میل دے فاصلے تے دریائے چناب دے کنارے واقع ہے۔ اتھوں ملتان تے غازی گھاٹ کیتے پختہ سڑکاں ویندیاں ہن۔ ایندا پُراݨا ناں رتن واہن ہا۔ سولہویں صدی عیسوی دے اوائل اچ صوفی بزرگ شاہ علی المعروف شیر شاہ نے اتھاں سکونت اختیار کیتی تے ایندا ناں شیر شاہ مشہور تھی ڳیا۔ انہاں دا مزار وی اتھائیں ہے۔ اکبر اعظم دے زمانے اچ اتھاں شدید سیلاب آیا جئیں نال علاقے کوں نقصان تھیاتے ایں شہر کوں ول آباد کیتا ڳیا ۔ فروری 1889ء اچ دریائے چناب تے ریل دا پل وی تعمیر کیتا ڳیا۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء