شیرعلی گورچانی

شیر علی گورچانی دا پورا ناں سردار شیر علی گورچانی ہے۔ شیر علی گورچانی، نائب سپیکر پنجاب اسمبلی، نے سردار پرویز اقبال گورچانی دے آنگن وچ 17 مئی 1980ء کوں اکھ کھولی۔ انہاں نے 2006ء وچ 26 سال دی عمر وچ ملتان توں گریجویشن کیتا۔ انہاں دا شمار انہاں رہنماواں وچ تھیندا ہے جنہاں نے اپݨی سیاست دا آغاز بلدیاتی انتخابات توں کیتا۔ نظامت دا انتخاب جیت کے ناظم بݨیے۔ ایہ اوہ ویلا ہئی جݙاں مسلم لیگ (ن) مشکلات دا شکار ہئی، پر شیر علی گورچانی مسلم لیگ (ن) دے گݨے چݨے ناظمین وچوں ہک ہن۔ ولا 2008ء دے عام انتخابات وچ مسلم لیگ (ن) دی ٹکٹ تے صوبائی حلقہ پی پی 247 توں رکن اسمبلی منتخب تھئے تے پارلیمانی سیکٹری بݨیے۔ ایندے بعد 2013ء دے عام انتخابات وچ ہک واری ولا مسلم لیگ (ن) دی ٹکٹ تے صوبائی حلقہ 248 توں رکن اسمبلی منتخب تھئے تے ایں واری نائب سپیکر دا عہدہ سنبھالیا۔ جنوبی پنجاب وچ اوہ ہک منجھے ہوئے تے زیرک سیاست دان سمجھیے ویندن، پر اوہ اپݨے علاقے وچ کہیں میگا پروجیکٹ، تعلیم، صحت تے صفائی دے خاطرخواہ کم اڄ تئیں نہیں کر سڳے۔