شیدݨ۔ کھیݙ

ایہ کھیݙ صاف ستھری تے ہموار زمین تے خانے بݨا تے کھیݙیا ویندے ۔ اے خانے کولے نال بݨائے ویندن ۔ انہاں  خانیاں  اچوں  ہک گول ٹھیکری کوں  جینکوں  شیدݨ سݙیا ویندے ہک جنگھ تے کھڑا تھی تے بھنوایا ویندے تے ݙوجھی ڄنگھ دے پیر دے انوٹھے نال تھُݙا مار تے ہک خانے کنوں  ݙوجھے خانے وچ پُڄایا ویندے تے ایں  طرح تے بݨئے ہوئے ساریاں  خانیاں  وچوں  پیر دے اَنوٹھے نال شیدݨ کوں  ٹپا ٹپا تے آخری خانے تئیں  پُڄایا ویندے بلکہ اوہو کھݙاری کامیا ب تھی ویندے جہڑا ہک ڄنگھ تے کھڑا کھڑا آخر توݨیں  پُڄ ویندے ۔ ہک کھݙاری دی واری مُک ویندی ہے تاں ݙوجھا کھݙاری شروع کر ݙیندے تے باقی تماشہ ݙیکھݨ آلے اوندے کرتب ، اوندے ہک ڄنگھ تے کھڑا تھی تے کھیݙݨ دی طاقت کوں  ݙیکھ تے داد ݙیندن ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان