شیخ رشید احمد

شیخ رشید احمد
وزیر ریلوے
مدت منصب 20 اگست 2018ء – 11 دسمبر 2020ء
صدر عوامی مسلم لیگ
آغاز منصب جون 2008ء
وزیر ریلوے
مدت منصب 25 اپریل 2006ء – 15 نومبر 2007ء
صدر	پرویز مشرف
وزیر اعظم	شوکت عزیز
وزیر اطلاعات و نشریات
مدت منصب 21 نومبر 2002ء – 20 مئی 2006ء
صدر	پرویز مشرف
وزیر اعظم	شوکت عزیز
رکن قومی اسمبلی پاکستان
مدت منصب 1 جون 2013ء – 31 مئی 2018ء
مدت منصب 18 نومبر 2002ء – 18 نومبر 2007ء
مدت منصب 21 مارچ 1985 – 12 اکتوبر 1999
معلومات شخصیت
پیدائش	6 نومبر 1950ء (75 سال)  راولپنڈی
شہریت	پاکستان
جماعت	عوامی مسلم لیگ
عملی زندگی
مادر علمی	جامعہ پنجاب
پیشہ	سیاست دان
ماء ٻولی	اردو
پیشہ ورانہ زبان	اردو

شیخ رشید احمد ہک پاکستانی سیاست دان ہن، جیہرے وزیر ثقافت تے وزیر اطلاعات و نشریات رہ چکیے ہن۔ ایں وقت عمران خان دی کابینہ وچ وزیر ریلوے رہے تے بعد وچ وزیر داخلہ بݨا ݙتے ڳئے۔

شیخ رشید احمد 1950ء وچ راولپنڈی وچ ہک متوسط گھراݨے وچ پیدا تھئے۔ سیاست دے میدان وچ طالب علمی دے زمانے وچ ہی قدم رکھ ݙتا ہئی۔ سٹھ دی ݙہاکے وچ جݙݨ صدر ایوب دے خلاف عوامی تحریک شروع تھئی، تاں انہاں نے ایندے وچ ودھ چڑھ کر حصہ ڳھدا۔ جݙݨ گورنمنٹ گورڈن کالج وچ داخلہ ڳھدا، تاں کالج دی طلبہ یونین دے صدر منتخب تھئے۔ 1992ء وچ ایم اے سیاسیات کرݨ دے بعد تحریک استقلال وچ شمولیت اختیار کیتی، پر جلد ہی انہاں کنوں علیحدہ تھی ڳئے۔ 1984ء وچ بلدیاتی کونسل دے رکن منتخب تھئے۔ 1985ء دے غیر جماعتی انتخابات وچ قومی اسمبلی دے رکن منتخب تھئے۔ محمد خان جونیجو دے عہد وچ آزاد پارلیمانی گروپ دے سبھ توں فعال رکن ہن، جیندے سربراہ فخر امام ہن۔ 1988ء دے عام انتخابات وچ اپݨی شعلہ بیانی تے پرزور عوامی خطابات دے بل تے پیپلز پارٹی دے امیدوار جنرل ٹکا خان کوں شکست ݙے کے قومی اسمبلی دے رکن منتخب تھئے۔ 1990ء کنوں 1993ء تے و لا1997ء دے انتخابات وچ کامیابی حاصل کیتی۔ محمد نواز شریف دے پہلے دور وچ شیخ رشید صاحب کوں پہلے مشیر اطلاعات و نشریات، ولا وزیر صنعت و حرفت مع اضافی چارج سیاحت و ثقافت مقرر تھئے۔ محترمہ بے نظیر بھٹو نے اسمبلی تے اسمبلی کنوں ٻاہر انہاں دی بلند بانگ تنقید کوں روکݨ کیتے انہاں دی لال حویلی وچ ہک عدد کلاشنکوف رکھݨ دے جرم وچ جیل بھیڄ ݙتا۔ چند مہینے دی قانونی کارروائی دے بعد رہائی پاتی۔ 1997ء دے الیکشن وچ کامیاب تھی کے میاں نواز شریف دی کابینہ وچ بطور وزیر شامل رہے۔ 2002ء وچ پرویز مشرف دی چھتری تلے تھیوݨ آلے انتخابات وچ آزاد حیثیت نال کامیاب تھئے تے بعد وچ مسلم لیگ ق وچ شمولیت دا اعلان کیتا۔ پہلے وزیر اطلاعات تے ولا وزیر ریلوے بݨیے۔ پرویز مشرف دے مداحاں وچ انہاں دا شمار تھیندا ہئی۔ 2008ء دے انتخابات وچ جناب مخدوم جاوید ہاشمی دے ہتھوں شرمناک شکست کھادی، جیندے بعد مسلم لیگ ق کنوں علیحدہ تھی کے عوامی مسلم لیگ ناں دی ہک نویں جماعت دی بنیاد رکھی۔ 2010ء وچ سیاست وچ ہک دفعہ ولا سرگرم تھئے تے ہک واری ولا پنڈی دے حلقے کنوں ضمنی انتخابات وچ حصہ ڳھدا، پر 24 فروری کوں تھیوݨ آلے انہاں انتخابات وچ ہک واری ولا انہاں کوں مسلم لیگ ن دے شکیل اعوان دے ہتھوں شکست دا سامݨا کرݨا پیا۔ انہاں دی وجہ شہرت انہاں دا عوامی انداز، سکینڈلز، لال حویلی تے سیاسی پیشن گوئیاں ہن۔

2008ء وچ انتخابی شکست دے بعد شیخ نے نجی ٹی وی چینلز تے کثرت نال آ کے حکومتی بدعنوانی دی نشان دہی کرݨا شروع کیتا تے مشہوریا دا درجہ حاصل کر ڳھدا۔ 2013ء دے انتخابات وچ تحریک انصاف دی حمایت نال اپݨی جماعت عوامی مسلم لیگ کنوں لڑیے تے قلم دوات دے نشان تے حلقہ این اے۔55 نشست تے کامیابی حاصل کیتی۔ تے 2018 دے انتخابات وچ وی پاکستان تحریک انصاف دی حمایت نال وزیر اعظم پاکستان عمران خان دی جانب کنوں انہاں کوں وزیر ریلوے دا عہدہ سونپا ڳیا ہئی۔

11 نومبر 2020ء کوں وزیر ریلوے کنوں ہٹا کے وزیر داخلہ دا قلم دان سونپ ݙتا ڳیا۔