شیخ بدین

شیخ بدین خیبر پختونخوا دے ضلع لکی مروت تے ڈیرہ اسماعیل خان دے وچکار ہک مشہور صحت افزا مقام ہے۔ اے سطح سمندر توں تقریباً 4516 فٹ اچا ہے۔

شیخ بدین دا پرانا ناں "غنڈ" ہا، جیہڑا پشتو زبان دا لفظ اے جیندے معنی "پہاڑ" ہن۔ روایتاں دے مطابق، بعد وچ اک صوفی بزرگ شیخ بہاؤالدینؒ دے ناں توں ایہدا ناں شیخ بدین پے ڳیا۔ کجھ لوک ایہ وی آکھدے ہن کہ ملتان دے مشہور بزرگ حضرت شیخ بہاؤ الدین زکریا ملتانیؒ وی ایتھے قیام فرمائے ہن، جیندے نال ایہ جگہ شیخ بدین اکھوائی۔

انگریزاں دے دور وچ 1860ء وچ ایتھے ترقیاتی کماں دا آغاز تھیا اتے 1970ء وچ شیخ بدین کوں صحت افزا مقام دا درجہ ݙتا ڳیا۔ ایتھاں انگریز دور دے ریسٹ ہاؤس، چیک پوسٹاں، عدالت اتے ہور عمارتاں ہن جو اڄ وی موجود ہن۔

شیخ بدین اپݨے خوبصورت تے ٹھنڈے موسم پاروں مشہور ہے، خاص طور تے گرمیاں وچ لوک ایتھاں سیر کرݨ آندے ہن۔ ایہ علاقہ اپݨی قدرتی خوبصورتی اتے تاریخی اہمیت پاروں سیاحاں کیتے وݙی کشش رکھدا ہے۔