شہزاد ہمدم

سرائیکی شاعر

غزل

سال وی پل اچ سانبھیئے لاتھن

اج تے کل اچ سانبھیئے لاتھن

پیسے لوڑ ان، آ میں ڈیواں

ہتھ دی مل اچ سانبھیئے لاتھن

گیڑ گلانویں گل دی زینت

تہوں تاں گل اچ سانبھیئے لاتھن

ساڈے جھمبرے ،ہا وے بچڑا

سندھ دے تل اچ سانبھئیے لاتھن

دل وی کرچی کرچی تھی کے

عشق دے تھل اچ سانبھیئے لاتھن

اکھ دیاں سیپیاں ہیرے موتی

ہنج دی چھل اچ سانبھیئے لاتھن

تیڈے حسن دے قصے میڈی

نظم غزل اچ سانبھئیے لاتھن

ریت دے کوٹھے چاونڑ جلوں

بھک دی ڈل اچ سانبھیئے لاتھن

ساڈے لیکھ دے سوجھلے ہمدم

سئیت سمل اچ سانبھیئے لاتھن

شہزاد ہمدم