شہزادہ بناں

شہزادہ بناں وے میں سہرا تیݙا ڳاواں وے

سہرا ڳاواں شگن مناواں جھُمراں پیندی آنواں وے

سہرے تیݙے کوں لاواں ہیرے

مدد ہووی سوہݨا حضرت پیر اے

پیراں نے شان ودھایا اے شہزادہ بناں

سہرے تیݙے کوں لانواں گھیو اے

پڑھ بسم اللہ گھوٹ دا پیٔو اے

بابے نے شان ودھایا اے شہزادہ بناں

سہرے تیݙے کوں لانواں پنڑی

پڑھ بسم اللہ گھوٹ دی امڑی

اَمڑی نے شان ودھایا ، شہزادہ بناں

حوالہ

سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان