شہر فرید دیاں کھݙیاں
بہاولنگر وچ کھݙی تے کپڑا بݨاوݨ دی قدیم روایت اڄ وی قائم ہے، رنگ برنگے دھاگیاں نال تیار شالاں، کھیس تے ٻئے گرم کپڑے نہ صرف ملک بھر وچ مقبول ہن بلکہ ٻاہرلے ملک وی بھیجے ویندے ہن۔
کھڈیاں دی کھٹ کھٹ دی آواز بہاولنگر دے نواحی ڳاؤں شہر فرید دی سُن٘ڄاݨ ہے، اتھوں دے کاریگر جدید مشیناں دے دور وچ وی اپݨیاں روایتی کھڈیاں تے کپڑا تیار کریندے پئے ہن۔
رنگ برنگے دھاگیاں نال شاہکار تخلیق کرݨ والے ایہ ہنر مند قیام پاکستان توں ہݨ تک نہ صرف سرائیکی وسیب دی ثقافت کوں زندہ رکھے ہوئے ہن بلکہ اپݨی محنت نال دنیا بھر وچ اپݨے علاقے دا ناں وی روشن کریندے پئے ہن۔
کھڈی تے بݨی دیدہ زیب شالاں، لنگیاں، گرم سوٹ تے کھیس اڄ وی لوکاں کوں ٻہوں پسند ہن۔ انہاں دی منگ نہ صرف ملک بھر وچ بلکہ ٻاہرلے ملک وی ایہ تحفے دے طور تے بھیجے ویندے ہن۔
رنگ برنگے دھاگیاں دا خاص طریقہ کار دے تحت کھڈی نال ٻدھݨا تے ول کپڑا بُݨݨا انہاں کاریگراں دی مہارت تے ہنر دا منہ ٻولا ثبوت ہے لیکن انہاں کوں شکوہ ہے۔
ثقافتی رنگاں تے گرم چادراں وچ لپٹی ایہ کہاݨی ݙسیندی ہے کہ کھڈیاں دی ایہ کھٹ کھٹ نہ صرف ہنر دا شاہکار ہے بلکہ ساݙی ثقافت دی دھڑکن وی ہے۔