شہباز شریف مخالف ریلی، ڈیرہ غازی خان

۔سرائیکستان ھاوس رشید اباد کالونی توں پریس کلب تک شہباز شریف دے خلاف ہک شاندار ریلی دا اہتمام کیتا ڳیا جیندی قیادت محمد اکبر خان ملکانی نے کیتی، ریلی دے شرکاء نے پریس کلب دے سامݨے مظاہرہ کیتا تے پریس کلب وچ اظہارخیال کریندے ہوئے آکھا کہ وسیب دشمن، خطے دے حقوق دا دشمن، کساناں کا دشمن، مزدوراں دا دشمن، زراعت کا دشمن، طلبا تے تعلیم دا دشمن، شہباز شریف ڈیرہ غازیخان شہر وچ انتخابی جلسہ کرݨ آندا پئے تمام دوستاں تے بھراواں توں اپیل کیتی ویندی ھئے کہ ساݙے نال اظہارِ یکجہتی دا مظاہرہ کرن تے اس کوں ووٹ نہ ݙیون.

اکبر خان نے اس موقع تے آکھا کہ بقول سردار صاحبان دے شہباز شریف ساڈا توھاڈا مہمان اے مہمان دی قدر کرنڑ توھاڈا ساڈا فرض اے شہباذ شریف ساڈا مہمان نئیں ڈاکو اے ساڈے وسائیل دا ڈاکو اے ساڈے وسیب کوں لٹ پٹ کھا گئے اے ساڈی نسل دا دشمن اے ساڈے پورے وسیب دادشمن اے ساڈے پانڑیں دا دشمن اےساڈی تعلیم دا دشمن اے انٹری ٹیسٹ دا موجب اے اپڑیں دشمن کوں سنجانڑو باقی جیاڑے صرف ڈو ترائے ہنوے ناں تاں پوری زندگی ارمان کریسو اے ویلھا ولا ہتھ نہ اوساھےشہباز شریف کوں ووٹ نہیں ڈیونڑاں شہباز شریف کوں ووٹ نہیں ڈیونڑاں توھاڈاناں توھاڈے سارے شہریں داناں سرائیکیدا ناں پوری دنیا وچ نکلسی جیڈو کیڈو توھاکوں مبارخاں ملسن اساں سرخرو تھیسوں تساں سرخرو تھیسو جیہاڑے صرف ڈو ہنوے بھلسو نہ.

ہک سوشل میڈیا دے سرائیکی دانشور نے ڈیرہ غازی خان توں شہباز شریف دی شکست تے ہک عمدہ تبصرہ لکھا جیہڑا حسب ذیل اے: -

"اکبر ملکاڑی صاحب نے جیویں احتجاج کیتے سرائیکی حقوق کیتے خود کوں مصروف رکھے ۔ مسلسل احتجاج نال شہباز شریف ، اویس لغاری کوں جتڑ نہیں ڈتا ۔ اے لوک مبارک باد دے مستحق ھن میکوں لڳدے اکبر ملکاڑی جت ڳئے باقی سارے ھر ڳئے ھن ۔سرائیکستان صوبہ محاذ والے مبارک باد دے مستحق ھن انجینئر شاہ نواز مشوری ، سرائیکستان گرائنڈ الائنس نے بہتر سیاسی فیصلے کیتن انھیں فیصلیاں دے ذریعے فرعون کوں ہار نصیب تھائی ھے ورنہ اساں سرائیکیں کوں اھدن اِتھوں نکلوں اے علاقے جو اساڈے ھِن بلوچستان ءِچ شامل کریندو ۔ مقامی آبادی جو خواص کائنی جو سیاست ءِچ متحرک کائنی صرف ووٹ ڈیندی ھِے جو ووٹ گھندن او بلوچ سردار ھِن ووٹ دے ویلے سرائیکی بڑ ویندے ھَن سرائیکی جو سرائیکی الیسے اُندے کیتے گھل گھل ویسے انھیں بلوچ نوابیں / سرداریں کوں کامیاب کرویندے رہے ھن صرف سرائیکی الاوڑ کیتے ۔ بلوچ سردار سرائیک جغرافیے تے قبضے دا منصوبہ بڑائی بیٹھے ھَن اکثریتی سرائیکی آبادی کو صرف ایں سانڳے نظر انداز کریندن جو او صرف ووٹ ڈیوین اَتے بلوچ سردار ووٹ گھن تے سرائیکیں دے خلاف سازش کرن ۔ سرائیکی جغرافیے دے خلاف سازش کرن ۔۔۔۔۔ ؟ میں سرائیک نینگریں کوں اکھسا جبری انتقال قومیت دے خلاف متحرک تھیویوو سرائیکیں دی جبری انتقال قومیت تھیندی پئی ھِے ایندے خلاف ادیب ، دانشور ، محققین کتاباں لکھن اے ھک جرم ایں جرم دے خلاف آواز اُٹھائی ونجے ۔"