شہباز اقبالی

اصل ناں       محمد شہباز

قلمی ناں       شہباز اقبالیؔ

ڄمݨ           1974ء

تعلیم          ایم اے ، ایل ایل بی

پیشہ           وکالت

فون نمبر        0305 6076516

جاہ پتہ       موضع ڄئی وستی وݙی جھوک شجاع آباد

(1)غزل

دکان آپݨی ہے نہ مال آپݨاں ہے

تہوں تھیندا ویندا زوال آپݨاں ہے

اصل جنس لبھدی نی کھیتاں دے اندر

تے ہر جنس دا ٻس کٻال آپݨاں ہے

حکومت دا ݙیکھو تاں کئی حال کینی

اوہو حال ہوندا جو حال آپݨاں ہے

اساں خود ای مخلص کہیں نال کینی

تے جئیں ڳالھوں جیوݨ محال آپݨاں ہے

اے خالق دا کم ہے جو ہر شخص دی سئیں

زبان آپݨی ہے ، خیال آپݨاں ہے

؎نہ کوئی شئے اقبالیؔ ہاں میں

سب کجھ پیر استاد دے وس اے

٭٭٭