شوکت عزیز

شوکت عزیز پاکستان دا سابق وزیر اعظم رہ چکے۔ شوکت عزیز 6 مارچ 1949 کوں کراچی وچ پیدا تھیا۔ من٘ڈھلی تعلیم کراچی کنوں حاصل کیتی۔ شوکت عزیز 1969 وچ سٹی بینک وچ ملازمت اختیار کیتی۔ 1992 وچ سٹی بینک دا ایگزیکٹو نائب صدر بݨیا۔ 1999 وچ جنرل پرویز مشرف انہاں کوں وزیر خزانہ بݨایا۔ ظفر اللہ جمالی دے استعفیٰ دے بعد مسلم لیگ (ق) شوکت عزیز کوں وزیر اعظم نامزد کیتا۔ شوکت عزیز تھرپارکر تے اٹک کنوں قومی اسمبلی دا رکن منتخب تھیا تے وزیر اعظم بݨ ڳیا۔ 29 جولائی 2004 کوں فتح جن٘گ وچ شوکت عزیز تے خود کش حملہ وی تھیا ہا جین٘دے وچ او سلامت ریہا۔