شوکت حسین مزاری

سردار شوکت حسین خان مزاری سابق ڈپٹی سپیکر تے سابق رکن پنجاب اسمبلی 1948ء وچ روجھان وچ ڄمیے۔ چار دفعہ رکن اسمبلی منتخب تھئے تے صوبائی وزیر دے علاوہ ڈپٹی اپوزیشن لیڈر وی رہے۔ سردار شوکت مزاری پنجاب اسمبلی دے ڈپٹی سپیکر وی رہے۔ اوہ سابق نگران وزیر اعظم سردار بلخ شیر مزاری تے بزرگ سیاست دان شیرباز مرازی دے سوترہن۔ گورنمنٹ کالج توں گریجویشن کیتا۔ فروری 2008ء وچ تھیوݨ آلے عام انتخابات وچ اپݨے آبائی ضلع راجن پور دی صوبائی نشست پی پی 250 توں رکن اسمبلی منتخب تھئے۔ 14 نومبر 2008ء کوں 60 سال دی عمر وچ دل دا دورہ پووݨ دی وجہ توں انتقال کر ڳئے تے روجھان وچ دفن تھئے۔