شمیم عارف قریشی، حکایت
حکایت
شمیم عارف قریشی
اساں شمیم عارف قریشی دے آدر وچ کٹھے تھئے'ایں دھرتی دے مہان ایں بندے کوں اساں پُھل وی پورے پیش نہ کیتے'اوندے کم تے کلام کوں تاریخ ذمے لاونڑ دی آلس کیتی'اونکوں وسارنڑ دا سانجھا اساں زور لایا پر نیت ساڈی توڑ نہ چڑھی'اساں ہک ڈینہ اوندے کیتے ولدے کٹھے تھئے'اوندی کافی تے گالھ ٹری تے چار گالھیں طے تھیاں
1)اساں جڈن وی اسمان تئیں ویسوں گڑگاڈے تے کٹھے ویسوں 2)اساں ککراں دے پُھل تے سندھ دی بلھنڑ دی قسم چیسوں 3)اساں رب کوں ایں وسوں دے سُنڑھپ موجب ڈیکھسوں 4) شمیم عارف قریشی دے ناں دا باغ لیسوں
شمیم عارف قریشی اُتھاہیں آ گیا ' اوں آکھیا " تہاڈا میں تھوریت ہاں جو تساں میکوں یاد کیتے ' ملتان دی ہک سیل بئی میں نال تہاڈے کرنڑاں چاہنداں "
رفعت عباس