شمس الدین سبزواری
سئیں دا ناں حضرت سیّد شمس الدین سبزواریؒ ہے لقب شمس الفقراء اَتے پِیؤ دا ناں سیّد صلاح الدینؒ ہے سئیں دا سلسلہ نسب حضرت امام جعفر الصادق علیہ السلام تئیں ون٘ڄ مِلدا ہِے۔ سئیں آل حضرت اسماعیلؑ بن امام جعفر صادق علیہ السلام ہِن پر عقیدے دے لحاظ نال اصلوں اسماعیلی نہ ہَن سئیں اثنا عشریہ عقیدہ رکھین٘دے ہَن اَتے اُوندی ای تبلیغ فرمائی، سئیں دیاں کوشِتاں نال ہزاراں لوکاں نے شیعہ اثناء عشری عقیدے کوں مَنّیا اَتے اَڄ وی سئیں دی اَل تے مریدین اِیں عقیدے اُتّے پکّے ہِن۔
سئیں دا سلسلۂ نسب ایویں ہے:
حضرت سید شمس الدین محمد سبزواری ؒ بن حضرت سید صلاح الدین محمد نور بخشؒ بن حضرت سید اسماعیل ثانی ؒ بن حضرت سید علی مومن سبزواریؒ بن حضرت سید علی عرف خالدالدین ؒ بن حضرت سید محب الدین سبزواریؒ بن حضرت سید محمودسبزواریؒ بن حضرت سید محمد ؒ بن حضرت سید ہاشم علی ؒ بن حضرت سید احمد ہادیؒ بن حضرت سید منتظر باللہ ؒ بن حضرت سید عبد المجید ؒ بن حضرت سید غالب الدینؒ بن حضرت سید محمد منصور خاقانی ؒ بن حضرت سید اسماعیل ثانی ؒ بن حضرت سید محمد عریضی ؒ بن حضرت امام زادہ اسماعیل علیہ السلام بن حضرت امام جعفر صادق علیہ السلام بن حضرت امام محمد باقر علیہ السلام بن امام علی زین العابدینؑ بن حضرت امام حسین علیہ السلام بن حضرت امام علی علیہ السلام[١]
ڄَم پَل
[لکھو | ماخذ وچ تبدیلی کرو]سئیں دے ڄَمّݨ دی تاریخ: 560ھ مطابق 1165ء اَتے جاء سبزوار ہَئی جین٘دی نسبت نال سبزواری اَکھوائے۔ سئیں دے پِیؤ بزرگوار حضرت سید صلاح الدین محمد سبزواری اپݨے زمانے دے ولی کامل مبلغ دین حق اَتے ویلے دے مجتہد ہَن۔ سئیں دی اَمّاں سیئݨ دا ناں سیّدہ فاطمہ ہَئی۔ سئیں دی تعلیم و تربیت دی ذِمّے واری سئیں دے چاچا حضرت سیّد عبدالہادیؒ دے ذِمّے کیتی ڳئی۔ اُنّھاں نے سئیں کوں وݙّی بھال نال تفسیر، حدیث اَتے ٻئے ظاہری علوم دی تعلیم ݙِتّی۔ [٢]
وفات اتے مزار
[لکھو | ماخذ وچ تبدیلی کرو]شمس الدین سبزواری 114 ورھیاں دی عُمر وِچ 28 صفر 674ھ مطابق 3 مارچ 1276ء کوں ملتان وِچ جھوک لݙا ڳئے۔ مرقد اُتے دربار 1330ء وِچ اُساریا ڳِیا جہڑا مربع دی شِکّل دا ہِے اَتے اُون٘دی اُچائی 30 فُٹ ہِے، وِچالے وِچ ہِک اُچّا گُنبس ہے جین٘دے اُتے ساوی کاشی کاری دا کَم تِھیا کھڑے۔ اِیہ مزار دریائے راوی دے پُراݨے لانگھے دے نیڑے قلعہ ملتان دے مشرق وِچ اَدھ میل دے پن٘دھ اُتے ہِے، امتدادِ زمانہ دے پاروں دریائے راوی آپݨی جاء بدلی۔ اِیہ مزار دا علاقہ عام خاص باغ دے ناں نال وی سُن٘ڄاݨیا وین٘دے۔