شمالی کوریا وِچ زنانیاں

وکیپیڈیا توں
شمالی کوریائی فوجی زنانیاں

شمالی کوریا وِچ زنانیاں (اردو: شمالی کوریا میں خواتین) (انگریزی: Women in North Korea) دا دُرُست موقف دُنیا دے اڳّوں واضح نئیں تِھی سڳیا ہِے۔ اِین٘دی وجہ اِیہ ہِے جو عالمی سطح اُتے شمالی کوریا کَلّھا تے وَکھرا ہِے۔ جاں جو سرکاری طور تے اِیہ موقف ہِے جو مُلخ وِچ زنانیاں کوں مرداں دے برابر حقوق حاصل ہِن۔ مُلخ وِچ کئی قنُون رائج ہِن، جِنّھاں وِچ جنسی برابری دا قنُون، مزدور دا قنُون اَتے ضروری صنعتاں دے قومیانے دا قنُون، جیڑھا اپݨی تفصیلاں وِچ زنانیاں کوں اختیار آلا بݨاوݨ دے عظیم مقصد دی تکمیل دی کوشِت کرین٘دے ہِن۔[١]

چین وِچ استحصال[لکھو | ماخذ وچ تبدیلی کرو]

شمالی کوریا دے تعلقات دُنیا دے وَدھ تر مُلخاں دے نال کائے نِھیں یا ٻہوں چنڳے کائے نِھیں۔ تاہم ہِک استثناء چین ہِے، جین٘دے نال مُلخ دے تعلقات چنڳے ہِن اَتے ہِک محدود حد توڑِیں لوک شمالی کوریا توں چین آن٘دے وین٘دے رہن٘دے ہِن۔ ٢٠١٩ء وِچ لندن دی ہِک غیر سرکاری سماجی تنظیم دی رپورٹ دے مطابق شمالی کوریا دیاں ہزاراں زنانیاں اَتے چھوہِریں کُوں چین وِچ دھندّا کرݨ کِیتے مجبور کِیتا وین٘دا ہِے۔ کوریا فیوچر انیشیٹو ناویں اِیں تنظیم دے مطابق اِنّھاں وِچ اکثر زنانیاں کوں اڳوا کر تے دھندّا کرݨ کِیتے ویچ ݙِتّا وین٘دا ہِے یا چینی مرداں نال شادی کِیتے مجبور کِیتا وین٘دا ہِے۔ رپورٹ وِچ آکھیا ڳیا ہِے جو جرائم پیشہ تنظیماں کِیتے اِیں کارُوبار دی سالانہ مالیت ݙاہ کروڑ ڈالر ہِے۔[٢]

مُلخ وِچ جنسی استحصال[لکھو | ماخذ وچ تبدیلی کرو]

عالمی ادارے "ہیومن رائٹس واچ" (ایچ آر ڈبلیو) نے اپݨی ہِک رپورٹ وِچ دعویٰ کِیتا ہِے جو شمالی کوریا وِچ زنانیاں کو جنسی طور تے ہراساں کرݨ، اِنّھاں دے نال نا زیبا رویّہ اختیار کرݨ اَتے بعض ویلیاں تے اِنّھاں نال زبر زنا کرݨ کوئی وݙّی ڳالھ نئیں سمجھی وین٘دی۔ ایچ آر ڈبلیو دی طرفُوں جاری کِیتی ڳئی رپورٹ وِچ شمالی کوریا دے اِنّھاں بندیاں کوں بُݨیاد بݨایا ڳیا ہِے، جیڑھے اُتُّھوں توں بھڄَّݨ اَتے ٻئے مُلخاں وِچ وَسَّݨ وِچ کامیاب تھئے۔[٣]

ٻِیا ݙیکھو[لکھو | ماخذ وچ تبدیلی کرو]

حوالہ جات[لکھو | ماخذ وچ تبدیلی کرو]

  1. United States Department of State
  2. ’شمالی کوریا کی خواتین چین میں جسم فروشی پر مجبور‘
  3. شمالی کوریا میں خواتین کا ریپ عام زندگی کا حصہ؟