شفیق آصف
اصل ناں محمد شفیق
قلمی ناں شفیق آصفؔ
ڄمݨ 1968ء
جاہ پتہ لائف میݙیکوز نزد ریلوے کراسنگ مخدوم رشید روڈ ملتان
شفیق آصفؔ بنیادی طور تے اردو دا شاعر ہے لیکن پنجابی تے سرائیکی وچ وی شاعری کریندے۔شفیق آصف شاعراں ،ادیباں وچ اُٹھݨ بٖہݨ آلا شاعر ہے۔تہوں اوندے بٖہوں سارے سرائیکی شعراء نال دوستانہ تعلقات ہن۔جیندے نال اوں سرائیکی زبان دا اثر قبول کیتے تے سرائیکی وچ وی شاعری کریندے۔آپ دی سرائیکی غزل دی ونکی ݙیکھو!
غزل
[لکھو | ماخذ وچ تبدیلی کرو]دل دی وستی آوے ماہی
سُتے سیت جڳاوے ماہی
تیݙے نال ہے خلقت ساری
میݙے نال خداوے ماہی
پیار پریت دا پاندھی بݨ کے
رُٹھے یار مناوے ماہی
سجٖݨ تے وت سجٖݨ ہوندن
دشمن نال نبھاوے ماہی
خوش پیا وسّیں شالا آصفؔ
منگاں روز دعاوے ماہی