شریف پردیسی
اصل ناں شریف احمد
قلمی ناں شریف پردیسیؔ
جٖمݨ 1976ء
تعلیم ایف اے
پیشہ ٹیچنگ
فون نمبر 0321 7516798
جاہ پتہ مکول کلاں تحصیل تونسہ شریف ضلع ڈیرہ غازی خان
شریف پردیسیؔ دا تعلق تحصیل تونسہ دی وستی مکول کلاں نال ہے آپ مشہور مزاحمتی شاعر بشیر غمخوار دے شاگرد ہن۔3شعری مجوعیاں ’’ہنجھ دے حاشئے‘‘، ’’وسیلہ ‘‘ تے ’’مسک‘‘ دے خالق ہن۔تے غزل وی ٻہوں سوہݨی لکھدن۔ نمونہ کلام حاضر ہے۔
(1)غزل
[لکھو | ماخذ وچ تبدیلی کرو]ݙیکھ میݙے حوصلے اوندے ستم حیران ہن
اجٖ نظردا پئے ستم دی موت دے امکان ہن
چپ چپاتیں مار چھوڑی میݙی ہر ہک آرزو
مفلسی دے میں نپھر تے روہ جیݙے احسان ہن
تہوں میݙے ہن ٻال بُکھے ، تہوں میں ہاں غربت دیوچ
میݙے ہمسائے یکے کجھ چوہدری کجھ خان ہن
او جنہاں یاراں دی لوکو دوستی بے لوث ہئی
لوک ایجھے ویڑھ کے چادر سُتے غستان ہن
ݙیکھ پردیسیؔ زمانے وچ ہکو قانون ہے
اوکھ وچ مطلب دے سنگتی تھیندے کان و کان ہن