شبلی نعمانی

علامہ شبلی نعمانی ہک عظیم شخصیت دے مالک ہن۔ او بیک وقت شاعر، ادیب، عالم، مفکر تے سوانح نگار سب کجھ ہن۔ انہاں اچ ادبی صلاحیتاں کٹ کٹ کے بھریاں ہوئیاں ہن۔ سر سید احمد خان دی صحبت نے انہاں صلاحیتاں کوں مزید نکھارا تے ہک نویں راہ ݙکھائی۔

ابتدائی زندگی تے تعلیم

علامہ شبلی نعمانی 4 جون 1857ء کوں اعظم ڳڑھ ضلعے دی ہک وستی بندول جیراج پور وچ پیدا تھئے۔ انہاں دی ابتدائی تعلیم گھر تے ہی مولوی فاروق چریاکوٹی کولوں تھئی۔ 1876ء وچ حج کیتے تشریف گھن ڳئے۔ وکالت دا امتحان وی پاس کیتا تے وکالت وی کیتی مگر ایں پیشے نال دلچسپی نہ ہوݨ دی وجہ توں اینکوں چھوڑ ݙتا۔

علمی خدمات

شبلی دا شمار اردو تنقید دے بنیاد گزاراں وچ تھیندے۔ انہاں دی شخصیت اردو دنیا وچ بطور شاعر، مورخ، سوانح نگار تے سیرت نگار دی حیثیت نال وی مسلم اے۔ شبلی دے تنقیدی نظریات و افکار مختلف مقالات تے تصانیف وچ کھنڈے ہوئے ہن لیکن اے ڳال وثوق نال اکھیج سڳدی اے کہ انہاں کوں شاعری تے شاعری دی تنقید نال خاص انسیت ہئی۔

تصانیف

علامہ شبلی نعمانی نے کافی کتاباں لکھیاں جنہاں وچوں کجھ اے ہن:

* شعر العجم
* موازنہ انیس و دبیر
* سیرت النبی صلی اللہ علیہ و آلہٖ و سلم
* الفاروق
* المامون
* الغزالی

وفات

علامہ شبلی نعمانی 1914ء وچ وفات پا ڳئے۔ انہاں دی وفات نال اردو ادب ہک عظیم شخصیت توں محروم تھی ڳیا۔