شاہ نصیر الدین نقشبندی
- آپ نوشہرو فیروز دے ہک بزرگ سید عبدالحئی دے گھر1849ء وچ پیدا تھئے۔ جھوک میراں پور دے مشہور نقشبندی بزرگ حضرت شاہ فضل اللہ قلندر دے مرید ہن۔ اسلامی علوم وچ عبور ہا۔ انتہائی متقی ‘ پرہیزگار بزرگ ہن۔ آپ دی وفات 1900ء مطابق 1318ھ وچ تھئی۔ آپ کافیاں ‘ نظماں تے سی حرفیاں لکھین۔
نمونہ:
[لکھو | ماخذ وچ تبدیلی کرو]ب بات میکوں نہ ٻی آوت وے طلب تات چناب دے پار دی ڑی
جہیندی تار میکوں بے قرار کیتا خار خار ہے ونجھلی تنوار دی ڑی
زارو زار روواں ہنجوں ہار پوواں ایہو ہار گھتاں ڳل یار دی ڑی
توڑے ہار پوے توڑے جیت رہاں سر عشق دا ڈھارا ڈھار دی ڑی
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان