شاہ حبیب قادری

شاہ حبیب یارھویں صدی ہجری دے سر کڈھویں بزرگ تے اولیاء اللہ ہَن۔ آپ دا مزار ضلع لیہ وچ ہے۔ ہر عید دے ݙوجھے ݙینہ اتھاں آپ دا عرس مبارک تھیندے۔ شاہ حبیب اپݨے وقت دے ہک منے ہوئے عالم دین تے صوفی بزرگ ہن۔ حضرت سلطان باہوؒ آپ دے کول حاضر تھے تاں آپ باہو سئیں کوں فقر دی راہ اختیار کرݨ دا حکم ݙتا۔ حضرت باہوؒ تے انھاں دے فرمان دا اتنا اثر تھیا جو باہو سوہݨے دی دنیا بدل ڳئی۔حضرت شاہ حبیب سرائیکی دے شاعر ہن۔ نمونہ کلام:

ڳڑھ کوٹاں وچ عاقی ہو نا کھس کے دل ویرانی

تیں ٻاجھوں میں اینویں تڑپاں جیؤ مچھی بِن پاݨی

کݙیں درس ݙکھال پیارا مدت پئی چرانی

ملن حبیب متراں دا جیوݨ ٻئی سب کوڑ کہاݨی

…………

سیو میکوں سکھ کولوں ݙکھ بھاوے

سکھ قربان کراں تیں ݙکھ توں جو دُکھ میکوں لیادے

دُکھاں کارنJ نہیؤوں سر جے سو ݙکھ سہل نہ پاوے

میں قربان حبیب ݙکھاں توں جو ݙکھ دوست ملاوے

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان