شاہین کہروڑی
اصل ناں عبدالرحیم
قلمی ناں شاہین کہروڑی
ڄمݨ 1963ء
تعلیم ایم اے ، ایم ایڈ
پیشہ تدریس(ایس ایس ٹی) محکمہ تعلیم
فون نمبر 0301 7341669
جاہ پتہ مکان نمبر 163ٹٻہ سادات کہروڑ پکا ضلع لودھراں
شاہین کہروڑٰ 15 اپریل 1963ء کوں فیض بخش دے گھر کہروڑ پکا وچ پیدا تھئے۔ اپݨی تعلیم مکمل کرݨ دے بعد محکمہ تعلیم اچ بطور معلم اپݨی عملی زندگی دا آغاز کیتا۔شعر و ادب دے حوالے نال آپ بنیادی طور تے اردو دے شاعر تے مؤرخ ہن۔تاریخ دے حوالے نال آپ دیاں ݙو کتاباں (1) تاریخ کہروڑ پکا(2) دی ہسٹری آف ڈسٹرک لودھراں(انگریزی) چھپ چکیاں ہن۔جݙاں جو’’تاریخ اولیائے کہروڑ پکا‘‘ زیرِ طبع ہے۔تے ایویں ݙو اردو شعری مجموعے(1) آفتابِ محشر(2)دل پہ اختیار نہیں، وی چھپ چکے ہن۔ٹیلنٹ دی بنیاد تے آپ مختلف کالجز تے اداریاں توں کئی ایوارڈز تے اسناد وی حاصل کر چکے ہن۔جتھوں تک آپ دی سرائیکی شاعری دا تعلق ہے تاں مادری زبان سرائیکی ہووݨ پاروں سرائیکی اچ وی خوبصورت شاعری کریندن۔نمونہ کلام۔
غزل
[لکھو | ماخذ وچ تبدیلی کرو]جئیں ݙیہاڑے موت دی چادر اساں پاوݨ لڳے
لوک ہر پاسوں جنازے تے ٻہوں آوݨ لڳے
پنڈ ہر کالے مقدر دی تاں میݙے حصے ہئی
کالے کپڑے جاݨے کیوں ہُݨ لوک وی پاوݨ لڳے
میݙی اکھیاں نے وسایا اوں ویلے مینہ زور دا
دل دی دھرتی توں فصل جاں درد دی چاوݨ لڳے
خاک دے بستر اُتے سمݨاں سبھے لوکاں کوں ہے
کیوں اساں اُچّے محل جا جا تے بݨواوݨ لڳے
جیڑھے ساکوں نال الفت دے الیندے وی نہیں
ناں اساݙا کیوں بھلا او لوک دُہراوݨ لڳے
جان کوں شاہین ؔ کیڑھے روڳ اڄو ہی لڳ پئے
کون تَیں توں کھس کرائیں روٹی تیݙی کھاوݨ لڳے