شاہدہ ملک

شاہدہ ملک HI(M)، SI(M) (اردو: شاهدہ ملک)، پاکستان آرمی میڈیکل کور دی ریٹائرڈ میجر جنرل ہَن۔ اوہ پاکستان آرمی دی پہلی زنانی جنرل ہَن۔اوہ پاک فوج دی پہلی زنانی افسر ہَن جنّھاں نے ݙو اسٹار رینک تئیں ترقی کِیتی۔ ڈاکٹر دی حیثیت نال تربیت یافتہ، انّھاں کوں 2004ء وچ ریٹائر تھیوݨ توں پہلے انسپکٹر جنرل ہاسپٹل دے نال نال پاک فوج میڈیکل کور دی ڈپٹی کمانڈر وی مقرر کِیتا ڳیا ہَئی۔

ابتدائی حیاتی تے تعلیم

اوہ چکوال ضلع دے جھٹلا دے ہک گاؤں وچ پیدا تھئیں۔ انّھاں نے فاطمہ جناح میڈیکل کالج، لاہور توں ایم بی بی ایس دی ڈگری حاصل کِیتی تے 1970ء وچ آرمی میڈیکل کور کِیتے چُݨی ڳئی ہَن۔

کَم کار آلی حیاتی

شاہدہ ملک کوں 17 جون 2002ء کوں پرویز مشرف دے حکم نال میجر جنرل دے عہدے تے ترقی ݙتی ڳئی۔ انّھاں کوں پاکستان آرمی میڈیکل کور دی ڈپٹی کمانڈر تے ہسپتالاں دی انسپکٹر جنرل مقرر کِیتا ڳیا، ایندے بعد 2004ء وچ ریٹائر تھی ڳئیں۔