شاہانہ اشعر

شاہانہ اشعر
منتخب رکن سندھ صوبائی اسمبلی
معلومات شخصیت
شہریت	پاکستان
جماعت	متحدہ قومی موومنٹ، لندن
عملی حیاتی
پیشہ	سیاست دان

شاہانہ اشعر (اردو: شاہانہ اشعر، کنوں) ہِک  پاکستانی سیاست دان زنانی ہِن، جہڑی صوبائی اسمبلی سندھ دی منتخب رُکن ہَن۔ انّھاں دی سیاسی وابستگی متحدہ قومی موومنٹ نال ہے۔ شاہانہ اشعر نے آرٹس دے مضمون وِچ سال غیر موجود وِچ گریجویشن دی ڈگری حاصل کِیتی ہئی۔ شاہانہ اشعر 2018 توں سندھ دی صوبائی اسمبلی دی رُکن رہیاں ہِن۔ شاہانہ اشعر نے 13 اگست 2018 کوں سندھ صوبائی اسمبلی دی رُکنیت دا حلف چاتا۔

سیاسی حیاتی

شاہانہ اشعر 2018 دے عام انتخابات وِچ زنانیاں کِیتے مخصوص نشست تے متحدہ قومی موومنٹ دی امیدوار دے طور تے سندھ دی صوبائی اسمبلی کِیتے منتخب تھئی ہَن۔ شاہانہ اشعر متحرک اَتے سرگرم عمل صوبائی اسمبلی رُکن ہِن جیڑھیاں قائمہ کمیٹیاں دی رُکن تاں کائے نِھیں، البتہ توجہ دلاؤ نوٹس پیش کرین٘دیاں رہین٘دیاں ہِن اَتے متعدد اسمبلی دیاں قرارداداں وِچ شریک رہیاں ہِن۔ 2018 دے عام انتخابات ترِیہہ ݙہاکیاں دے بعد ایویں انتخابات ہِن جنہاں وِچ متحدہ قومی موومنٹ کوں سندھ وِچ بالعموم اَتے کراچی وِچ بالخصوص ٻہوں گھٹ سیٹاں مِلّیاں ہِن اَتے اِیہ سندھ صوبائی اسمبلی دی ݙوجھی وݙی جماعت بݨݨ دی بجائے پاکستان تحریک انصاف دے بعد ترِیجے نمبر تے ہِے۔

صوبائی اسمبلی قرارداد

شاہانہ اشعر نے پاکستان کرکٹ ٹیم دے کپتان سرفراز احمد کوں ٹیم دی کپتانی اَتے پِھر ٹیم توں کڈھݨ تے ایوان سندھ وِچ مذمتی قرارداد پیش کِیتی۔ ذرائع ابلاغ دی آزادی، خود مختاری اَتے غیر جانبداری کوں یقینی بݨاوݨ اَتے وفاقی حکومت توں صحافیاں دے جان اَتے مال دے تحفظ دی یقین دہانی حاصل کرݨ کِیتے سندھ صوبائی اسمبلی وِچ ہِک قرارداد پیش کِیتی۔

بھال پواؤ نوٹس

اُون٘ہاں صوبائی اسمبلی وِچ کئی معاملات تے توجہ دلاؤ نوٹس وی پیش کرین٘دیاں رہیاں ہِن، جنہاں وِچوں کُجھ مندرجہ ذیل ہِن:

• کراچی دے ہسپتالاں وِچ کُتّیاں دے کَٹݨ دی ویکسین فراہم کرݨ اَتے پورے سندھ وِچ اِیں مسئلے نال نمٹݨ کِیتے حکومت سندھ نے کِیہڑے اقدامات اَٹھائے ہِن؟
• کراچی وِچ گرین لائن پراجیکٹ دی تکمیل وِچ دیری نال لوگاں کوں نقل و حمل دے مسائل دا سامݨا ہِے، اِیہ منصوبہ کݙاں تک مکمل تِھیسی؟
• سندھ بلڈنگ کنٹرول اتھارٹی اَتے کراچی پاݨی اَتے سیورج بورڈ کیوں اِین٘دے تائیں مقامی حکومتاں دے حوالے کائے نِھیں تِھئے؟