شاکر مدنی

شاکر مدنی مرحوم ملتان دے واسی بزرگ شاعر ہن۔انوی سو ستانوے اٹھانوے تئیں میں انہاں کوں ملتان دیاں ادبی محفلاں وچ شرکت کرینداڈٖٹھا،آپ سرائیکی دے معروف شاعر حیاتؔ ملتانی دے خاندان اچوں ہن تے معروف شاعر مشکورؔ قطب پوری دے شاگرد ہن۔

نمونہ کلام

؎دلبر دے ہر ستم کوں کھل کھل تے سہونْاں پئے

ہر ظلم بے وفا دا اکھیں تے چاونْاں پئے

مٹھڑے سجٖنْ دے در تے بے موت مفت مر تے

اوں دلربا کوں آخر ہک ڈٖینہ مناونْاں پئے

اجٖ تک نہ ملیا کوئی ہمراز دل دا شاکرؔ

بے جان پتھراں کوں ڈٖکھڑا سنْاونْاں پئے

٭٭٭