شاغل خانگٖڑھی

اصل ناں    عبدالرحمن خان

قلمی ناں    شاغل خانگٖڑھی

جٖمنْ        1939ء

جاہ پتہ      لودھراں شہر

شاغل خانگٖڑھی سرائیکی وسیب دے مشہور تے مقبول بزرگ شاعر ہن۔میکوں یاد ہے لودھراں وچ تھیونْ آلے عالمی مشاعرے وچ جڈٖاں شاغل صاحب کوں نظر انداز کیتا گٖیا تاں سامعین اٹھی کے احتجاجاََ شور مچا ڈٖتا تے مطالبہ کیتا جو شاغلؔ صاحب ضرور مشاعرہ پڑھن آخر انتظامیہ مجبور تھی گٖئی تے شاغل صاحب کوں سٹیج تے آکے مشاعرہ پڑھنْ دی باقاعدہ دعوت ڈٖتی گٖئی۔

کلام

؎ باغ تے ایجھی بجلی ڈٹھی پھُل پیا کرلاندا ہے

غنچے روون کلیاں ڈٖسکن بلبل دا جی ماندا ہے

خوشیاں جھوکاں لائیاں ہن جاں پیار دھمالاں پائیاں ہن

یاد کراں اوں ویلے کوں او ویلا ہتھ نہ آندا ہے

میڈٖی آہ دا مل پئے گٖئے اجٖ میڈٖی جھوک وی وس پوسی

دل اَہدا ہے او آ ویسن پیا پھٹ دل دا چچلاندا ہے

٭٭٭