شادیہ سلطان

شادیہ سلطان
معلومات شخصیت
ڄمݨ	30 نومبر 1886ء   استنبول
وفات	20 نومبر 1977ء (91 سال)  استنبول
شہریت	سلطنت عثمانیہ
ذال	رحشت حالی (28 اکتوبر 1931–1945)
پیو	عبدالحمید ثانی .
ماء	امثال نور قادین
ٹٻر	عثمانی خاندان
پیشہ ورانہ ٻولی	ترکی

شادیہ سلطان (عثمانی ترکی ٻولی : شادیہ سلطان؛ 30 نومبر 1886ء - 20 نومبر 1977ء) ہک عثمانی شہزادی ہئی، جیہڑی سلطان عبدالحمید دوم تے امثال نور قادین دی دھی ہئی۔

ابتدائی زندگی اتے تعلیم

شادیہ سلطان 30 نومبر 1886ء کوں یلدز محل وچ ڄمی ہئی ۔ اوندے پیو سلطان عبدالحمید دوم ہن، جیہڑے عبدالمجید اول تے ترمیجگان قادن دے پتر ہن۔ اوندی ماء امثال نور قادین ہن۔ او ناواں ٻال ہئی تے اپݨے پیو دی پنجویں دھی تے ماء دی کلہی اولاد ہئی۔

شادیہ سلطان دی تعلیم یلدز محل دے لیزر چانسلری دے ہک اسٹڈی روم وچ تھئی، اوندے نال اوندے نکی بھیݨ آیشے سلطان وی ہئی۔ انہاں دے انسٹرکٹر پرائیوی سیکرٹری حسیب آفندی تے پرائیویٹ اینسیفرنگ سیکرٹری کامل آفندی ہن۔ حسیب آفندی قرآن، عربی تے فارسی دے اسباق ݙیندے ہن اتے کامل آفندی کوں ترکی پڑھݨ لکھݨ، عثمانی گرامر، ریاضی، تاریخ تے جغرافیہ سکھاوݨا ہئی۔

منگݨی

31 مارچ 1909ء کوں عبد الحمید نے اوندی شادی کوک سید پاشا دے پتر علی نامک بے نال کیتی۔ 1909ء وچ اپݨے پیو دی معزولی تے، شہزادی تھیسالونیکی وچ جلاوطنی وچ اپݨے پیو دے پچھوں چلی ڳئی۔ اگلے سال او استنبول ول آئی۔ ت سید پاشا دے اپݨے پیو دے خلاف رویہ دی وجہ توں منگݨی ترٹ ڳئی۔ انور پاشا نے وی اوں نال شادی وچ ہتھ منڳا، لیکن اوں نے ایں تجویز کوں پلٹ ݙتا، کیوں جو او اوندے پیو دی معزولی وچ شامل ہئی۔ اوندے بعد اوندی منگݨی ذوالفلو اسماعیل پاشا دے ہک پتر نال طے پاتی۔ او ملنسار تے خوبصورت ہئی۔ تاہم اوں ویلے دی حکومت نے ایں جوڑے دی مخالفت کیتی ہئی۔

پہلی شادی

شادیہ دی منگݨی مصطفٰی فضل بے دے پتر فہیر بے نال تھئی ہئی تے غالب پاشا دے پوہترے، جیہڑے تقویٰ دی بنیاداں تے طویل عرصے تک کم کرݨ آلے وزیر ہن، جیہڑے اپݨی راستبازی تے دیانتداری کیتے بجا طور تے مشہور ہن۔ فہیر ہک پرکشش، نیک طبیعت تے سلجھے ہوئے بندے ہن۔ ایہ شادی 2 دسمبر 1910ء کوں نیشا تاسی محل وچ تھئی ہئی۔ ایں جوڑے دی ہک دھی ہئی، سمیہ خانم سلطان 1918ء وچ ڄمی ہئی ۔ 27 ستمبر 1922ء کوں فہیر دی موت دے بعد سعدیہ رڈڑتھی ڳئی۔

ݙوجھی شادی

مارچ 1924ء وچ شاہی ٹٻر دی جلاوطنی تے، سادیہ سلطان پیرس وچ آباد تھی ڳئی، جتھاں اوں نے 28 اکتوبر 1931ء کوں ریساد ہالیس بے نال شادی کیتی۔ 1940ء وچ، ݙوجھی جنگ عظیم دے دوران، جرمنیاں نے پیرس تے حملہ کیتا، جیندے بعد اوندے پئے نے اونکوں مشورہ ݙتا کہ او فرانس چھوڑ تے کہیں ٻئی جاہ تے آباد تھی ونڄے۔ تاں سعدیہ نے ایں توں اتفاق نؤی کیتا تے آکھیا کہ "فرانس میرا ݙوجھا گھر ہے۔ میں اتھاں آرام نال زندگی گزیندی ہاں۔ فرانس دی تباہی میݙی تباہی ہے۔ میں زخمی فوجیاں دی مدد کریساں۔" نومبر 1944ء وچ اوندی وفات تے او ولا رنڈڑ تھی ڳئی۔

بعد دی زندگی تے موت

اپݨے پئے دی موت دے بعد، شادیہ ہوٹل سینٹ-ہونور چلی ڳئی تے شہزادیاں کیتے قانون دی منسوخی دے بعد 1952ء وچ استنبول واپس ول آئی تے اپݨے بھرا شہزادے عبد الرحیم ہیری دے نال آلا ہک کمرہ ڳھن ڳھدا۔

شادیہ سلطان جوان

شادیہ سلطان دے پئے فہیر بے اتے اوندی دھی سمیعہ ہنمسلطان