سیوکسی وائلز

سیوکسی وائلز
معلومات شخصیت
پیدائش	20ویں صدی  مملکت متحدہ
شہریت	نیوزی لینڈ
عملی زندگی
مادر علمی	جامعہ ایڈنبرگ
پیشہ	سائنس مشہوری باز
شعبۂ عمل	خرد حیاتیات
نوکریاں	امپیریل کالج لندن ،  یونیورسٹی آف آکلینڈ
اعزازات
100 خواتین (بی بی سی) (2020)

سیوکسی وائلز (پیدائشی ناں: سوزانا وائلز) ہک برطانوی زنانی ماہر حیاتیات تے سائنس کمیونیکیٹر ہِن۔ انّھاں دے خاص شعبے متعدی بیماریاں تے بائیولومینسینس ہِن۔ اوہ نیوزی لینڈ اچ مقیم ہِن۔ اوہ آکلینڈ یونیورسٹی دی بائیولومینسینٹ سپر بگس لیب دی سربراہ ہِن۔

ابتدائی زندگی

وائلز برطانیہ اچ ڄَمّیاں، برطانیہ تے جنوبی افریقہ اچ پَلّیاں وَدّھیاں۔ انّھاں دی ماں ہک ریٹائرڈ سماجی کارکن ہِن تے انّھاں دے پیو ہک کاروباری مالک ہِن۔

تعلیم

ایبولا اوہ جرثومہ ہَئی جیڑھے مائکروبیولوجی اچ وائلز دی دلچسپی اُس ویلھے شروع کِیتی جݙاں اوہ 9 سال دیاں ہَن۔ رچرڈ پریسٹن دی کتاب "دی ہاٹ زون" جیڑھی ایبولا تے مرکوز ہِے، ایں وجہ توں وائلز نے اپݨی تعلیم کوں طبی مائکروبیولوجی تے مرکوز کِیتا۔ وائلز نے ایڈنبرا یونیورسٹی اچ تعلیم حاصل کِیتی تے 1997ء اچ میڈیکل مائکروبیولوجی اچ بی ایس سی (آنرز) دے نال گریجویشن کِیتا۔ انڈرگریجویٹ دے دوران انّھاں نے نفیلڈ اسکالرشپ حاصل کِیتی تے یونیورسٹی دے اسکول آف بائیولوجیکل سائنسز اچ کم کِیتا۔ وائلز نے ایڈنبرا نیپیئر یونیورسٹی توں پی ایچ ڈی دی ڈگری حاصل کِیتی جیڑھا سینٹر فار ایکولوجی اینڈ ہائیڈرولوجی (پہلے انسٹی ٹیوٹ آف وائرولوجی اینڈ انوائرمنٹل مائکروبیولوجی دے ناں نال ڄاتا ویندا ہَئی) اچ تحقیق کریندی ہَن جیڑھا آکسفورڈ اچ واقع ہِے۔ اپݨی پی ایچ ڈی دے دوران وائلز نے سب توں پہلے ماحولیاتی فائدہ مند جرثومے دی صحت دی نگرانی کِیتے بائیوسینسر بݨاوݨ کِیتے بائیو لومینسینس دا استعمال کِیتا۔