سینکچری نیچر فاؤنڈیشن

سینکچری نیچر فاؤنڈیشن ہِک ہندوستانی ادارہ اے جِہڑا کوئی نفع نہیں کماندا تے 2015 وِچ سینکچری ایشیا دے کم کوں آڳوں ودھاوݨ کیتے بݨایا گیا ہئی۔ سینکچری ایشیا ہِک ایہو جیہاں میگزین اے جِہڑا جنگلی جانوراں بارے لکھدا اے تے اِینوں 1981 وِچ بٹو سہگل نے شروع کیتا ہا۔

اِین٘دے تحفّظ پسنداں، ماہرین فطرت، سائنس داناں، مصنفاں اَتے فوٹوگرافراں دا نیٹ ورک ماحولیاتی پالیسی وکالت، سائنس، زمینی مدد، جنگلی حیات دے رہوݨ دے انتظام اَتے ٻہوں کُجھ وِچ انجو انج منصوبے چلین٘دا ہِے۔ تنظیم تلویں تَل دے تحفّظ کاراں اَتے جنگلی حیات دے فوٹوگرافراں کوں اعزاز ݙیوݨ کِیتےسالانہ ایوارڈ وی منعقد کرین٘دی ہِے۔

تاریخ

1980ء دا ݙہاکا

فتح سنگھ راٹھور کنوں متاثر تھی تے، جئیں این٘دے اُتے زور ݙِتّا جو ہندوستانی شہری کوں جنگلی حیات دے تحفّظ دی اہمیت دے بارے وِچ تعلیم ݙیؤ، بٹو سہگل نے اکتوبر 1981ء وِچ رسالہ سینکچری ایشیاء دا ایرا رکّھیا۔ اِین٘دا پہلا ایڈیشن ہِیں مہینے چَھپیا۔ 1984ء وِچ نوجوان سُݨن والیاں تئیں اپڑݨ کِیتے ہِک ٻِیا رسالہ سینکچری کبجاری کِیتا ڳیا۔ ہِیں ویلے سینکچری فلمز وی بݨایا ڳِیا اَتے ہندوستان دے قومی ٹیلی ویژن نیٹ ورک، دور درشن اُتے جنگلی حیات دے تحفّظ دے ݙُو سیریل جاری کِیتے ڳئے۔

1990ء دا ݙہاکا

1990ء دے ݙہاکے دے اَغاز وِچ، سینکچری جَتّھے نے اپݨے کوں اشاعت کنوں اَڳّوں ودھین٘دے ہوئے تحفّظ دے منصوبیاں، وکالت، تحقیق، رہائش گاہ دے انتظام اَتے ٻہوں کُجھ کرݨ شروع کِیتا۔ تنظیم نے رسکن بانڈ، وجیہ وینکٹ، دلیپ ڈی سوزا اَتے مرکزی دھارے دے پریس وِچ ٻئے متنوع مصنفاں دے فیچر مضموناں دے سینڈیکیشن دے ذریعے وݙی ڳِݨَتری تئیں پہنچݨ شروع کِیتا۔