سیمون سینورے

سیمون سینورے
(فرانسیسی وچ: Simone Signoret)
معلومات شخصیت
پیدائشی ناں	(فرانسیسی میں: Henriette Charlotte Simone Kaminker)
ڄمݨ	25 مارچ 1921ء   وییسبادین
وفات	30 ستمبر 1985ء (64 سال)
وجہ وفات	سرطان لبلبہ
مدفن	پیئغ لاشئیز قبرستان
طرز وفات	طبعی موت
رہائش	وییسبادین پیرس
شہریت	فرانس
پئے	ایو الیغرے (1944–1949) ایو مونتاں (22 دسمبر 1951–30 ستمبر 1985)
عملی زندگی
کم	فلم اداکارہ ،  [[:مصنف|مصنفہ]] ،  اتالیق ،  منچ اداکارہ ،  [[:اداکار|ادکارہ]] ،  مترجم
ماء ٻولی	فرانسیسی
پیشہ ورانہ ٻولی	فرانسیسی ،  اطالوی
شعبۂ عمل	اداکاری
اعزازات
پرائم ٹائم ایمی ایوارڈ برائے منی سیریز یا فلم میں نمایاں لیڈ اداکارہ (برائے:Bob Hope Presents the Chrysler Theatre ) (1966)  آسکر اعزاز برائے بہترین اداکارہ   (برائے:Room at the Top ) (1960) کان فلم فیسٹیول ایوارڈ برائے بہترین اداکارہ (برائے:Room at the Top ) (1959) بافٹا ایوارڈ برائے بہترین اداکارہ مرکزی کردار میں   (برائے:Room at the Top ) (1959) بافٹا ایوارڈ برائے بہترین اداکارہ مرکزی کردار میں   (برائے:The Crucible ) (1958) بافٹا ایوارڈ برائے بہترین اداکارہ مرکزی کردار میں   (برائے:Casque d'Or ) (1953)
نامزدگیاں
بافٹا ایوارڈ برائے بہترین اداکارہ معاون کردار میں   (1969)  آسکر اعزاز برائے بہترین اداکارہ   (1966) گولڈن گلوب ایوارڈ برائے بہترین اداکارہ – موشن پکچر ڈراما (1965)  آسکر اعزاز برائے بہترین اداکارہ   (1960) گولڈن گلوب ایوارڈ برائے بہترین اداکارہ – موشن پکچر ڈراما (1959)
	IMDB پر صفحہ

سیمون سینیورے (انگریزی: Simone Signoret) (تلفظ: فرانسیسی: simɔn siɲɔʁɛ؛ پیدائشی ناں: سیمون آنریئت شارلوت کامنیکر؛ 25 مارچ 1921ء – 30 ستمبر 1985ء) ہک فرانسیسی اداکارہ ہئی۔ انہاں مختلف اعزازات حاصل کیتے، جنہاں وچ ہک اکیڈمی ایوارڈ، ترائےبافٹا ایوارڈز، ہک سیزر ایوارڈ، ہک پرائم ٹائم ایمی ایوارڈ اتے کانز فلم فیسٹیول ایوارڈ برائے بہترین اداکارہ، اتے گولڈن گلوب ایوارڈ کیتے ݙو نامزدگیاں شامل ہن۔

ابتدائی زندگی

سیمون سینیورے دا پیدائشی ناں سیمون آنریئت شارلوت کامنیکر ہا اتے اوہ وایزباڈن، جرمنی وچ ڄمی۔ اوندی ماءُ جارجیٹ (شادی توں پہلے سینیورے) اتے پیو آندرے کمینکر ہَن اتے اوہ انہاں دے ترائےٻالاں وچوں سبھ توں وݙی ہئی، اوندے ݙو نِکّے بھرا وی ہَن۔ اوندے پیو، ہک اہم مترجم جیڑھے جمعیت اقوام وچ کم کریندے ہَن، پولش یہودی ٹٻر نال تعلق رکھݨ آلے فرانسیسی نژاد فوجی افسر ہَن، جیڑھے خاندان کوں پیرس دے نیڑے نوئی سور سین ڳھن آئے ہن۔ اوندی ماءُ، جارجٹ، جنہاں کنوں انہاں اپݨا سٹیج دا ناں ڳھدا، ہک فرانسیسی کیتھولک ہئی۔

سیمون سینیورے پیرس وچ ہک فکری ماحول وچ پلی ودھی اتے انگریزی، جرمن اتے لاطینی ٻولیاں دی پڑھائی کیتی۔ نازیاں دے قبضے دوران ثانوی اسکول مکمل کرݨ دے بعد، سیمون سینیورے اپݨے خاندان دی کفالت دی ذمہ دار بݨ گئی اتے ہک فرانسیسی اشتراکی اخبار کیتے ٹائپسٹ دے طور تے کم کرݨ تے مجبور تھی ڳئی۔

کیریئر

فرانس تے قبضے دے دوران، سیمون سینیورے لکھاریاں اتے اداکاراں دے ہک فنکارانہ گروہ نال مل ڳئی جیڑھا ساں جرمین دے پرے دے کیفے ڈی فلور وچ ملدا ہا۔ اوں ویلھے تک، اوکوں اداکاری وچ دلچسپی پیدا تھی چکی ہئی اتے اوندے سہیلیاں ، جنہاں وچ اوندے چاہوݨ آلے، ڈینیئل گیلن وی شامل ہَن، اوکوں اپݨے عزائم تے عمل کرݨ کیتے حوصلہ افزائی کیتی۔ 1942ء وچ اوہ نِکّے موٹے کرداراں وچ نظر آوݨ لڳی اتے اپݨی ماءُ اتے ݙو بھراواں دی کفالت کیتے کافی رقم کماوݨ وچ کامیاب تھی ڳئی، کیوں جو اوندے پیو، جیڑھے ہک فرانسیسی محب وطن ہَن، 1940ء وچ ملک کنوں بھڄ تے انگلستان وچ جنرل چارلس ڈیگال دے گروہ نال رَل ڳئے ہَن۔ انہاں اپݨیاں یہودی جڑاں کوں لُکاوݨ وچ مدد کیتے اسکرین کیتے اپݨی ماءُ دا خاندانی ناں استعمال کیتا۔

ٻیا ݙیکھو

• اداکارہ