سیرین بنت شمعون
| سیرین بنت شمعون | |
|---|---|
| معلومات شخصیت | |
| تاریخ پیدائش | 7ویں صدی |
| تاریخ وفات | 7ویں صدی |
| شریک حیات | حسان بن ثابت |
| بہن/بھائی | |
| عملی زندگی | |
| پیشہ | محدثہ |
| پیشہ ورانہ زبان | مصری زبان |
درستی - ترمیم 
| |
سیرین بنت شمعون ام المؤمنین ماریہ قبطیہ دی بھیݨ تے حسان بن ثابت دی زوجہ ہک صحابیہ ہِن۔ سیرین تے ماریہ قبطیہ حقیقی بھیݨاں ہَن، انّھاں کوں مقوقس شاہِ مصر نے بارگاہِ رسالت اچ ہدیہ دے طور تے بھیڄا ہَئی۔ ماریہ قبطیہ حرمِ نبوی صلی اللہ علیہ و آلہ وسلم اچ داخل تِھیاں تے سیرین، مشہور صحابی تے شاعر حسان بن ثابت دے حبالۂ عقد اچ آ ڳئیاں، جنّھاں دے بطن توں عبد الرحمن بن حسان ڄَمّے۔ سیرین ٻہوں صابر تے شاکر ہَن، جݙݨ آنحضرت صلی اللہ علیہ و آلہ وسلم دے صاحبزادے ابراہیم بن محمد دا جیڑھے ماریہ قبطیہ دے بطن توں ہَن، انتقال تِھیا تاں ماریہ قبطیہ اپݨے لاݙے دی جدائی توں بے قابو تِھی تے رووݨ لڳ ڳئیاں۔ سیرین کوں اگرچہ اپݨی محبوب بھیݨ دے ٻال دے مرݨ دا غم گھٹ کائنی ہَئی؛ پر انّھاں نے اپݨے جذبات تے قابو رکھیا تے ماریہ قبطیہ کوں سمجھاوݨ دی کوشش کِیتی۔[١]
ماریہ قبطیہ تے سیرین دے متعلق اگرچہ رجال تے سیر دی کتاباں اچ ایندی تصریح کائنی مِلدی جو اوہ مسیحی ہَن؛ پر کُجھ قرائن دی بنا تے انّھاں کوں اہلِ کتاب صحابیات دے زمرے اچ رکھا ڳیا ہِے۔ پہلا قرینہ ایہ ہِے جو اوہ قبطی ہَن تے معلوم ہِے جو مصر دے قبطی عام طور تے مسیحی ہَن۔ چنانچہ زرقانی نے ماریہ قبطیہ دے حالات اچ قبطی دے لفظ دی تشریح کریندے ہوئے لکھا ہِے: "نسبة إلى القبط ای نصاریٰ مصر"۔ ترجمہ: قبطی مصر دے مسیحی ہَن۔[٢]