سیرت کپور

سیرت کپور
معلومات شخصیت
ڄم	3 اپریل 1993ء (32 سال)  ممباسہ
شہریت	بھارت
عملی زندگی
پیشہ	ادکارہ ،  ماڈل ،  کوریوگرافر
	IMDB پر صفحہ

سیرت کپور ہک بھارتی فلمی اداکارہ، ماڈل، کوریوگرافر تے ڈانسر ہن۔ انہاں نے اپݨے کیریئر دا آغاز اسسٹنٹ کوریوگرافر دی حیثیت نال 2011ء دی رنبیر کپور دی فلم "راک اسٹار" توں کیتا ہئی۔ انہاں نے 2014ء وچ بطور اداکارہ ہندی فلم "ضد" وچ معاون کردار ادا کیتا تے ولا "رن راجا رن" (تیلگو) فلم توں اپݨی اداکاری دی شروعات کیتی ہئی۔ ایندے بعد کئی تیلگو فلماں وچ نظر آئین۔

ابتدائی زندگی

سیرت کپور 3 اپریل 1993ء کوں ممبئی، بھارت وچ پیدا تھئی۔ انہاں دے پیو مرحوم ونیت کپور ہک ہوٹل مالک ہن تے انہاں دی ماء، نینا سہوتا کپور ایئر بھارت وچ ہک ائیر ہوسٹس ہن۔ انہاں دے وݙے بھرا ورون کپور آسٹریلیا دے سڈنی، نیشنل آرٹ اسکول توں فارغ التحصیل ہن تے اوہ ہک فری لانس گرافک ڈیزائنر دے طور تے کم کریندے ہن۔

سیرت کپور دی تعلیم ممبئی دے پودار انٹرنیشنل اسکول، سانٹا کروز وچ تھئی ہئی تے انہاں نے آر ڈی نیشنل کالج، باندرا وچ پری یونیورسٹی دا کورس مکمل کیتا ہئی۔ ایندے بعد انہاں نے ماس کمیونی کیشن وچ بیچلر آف آرٹس دی ڈگری کیتے داخلہ ڳھدا، پر اپݨی اداکاری دے شیڈول دی وجہ توں تعلیم کوں ادھورا چھوڑ ݙتا۔

اوں ویلے ، اوہ اپݨے ڈانس کیریئر دے عروج تے ہن، جیندا آغاز انہاں نے بالی ووڈ کوریوگرافر ایشلے لوبو، دی ڈانس ورکس، ممبئی کیتے 16 سال دی عمر وچ کیتا ہئی۔سیرت کپور اکیڈمی وچ کل وقتی ڈانس انسٹرکٹر ہن۔ اپݨے سفر دے دوران، سیرت کپور نے "راک اسٹار" فلم وچ اسسٹنٹ کوریوگرافر دی حیثیت نال کم کیتا۔

ماڈلنگ دی طرف راغب تھیوݨ تے انہاں نے اپݨے کزن دے دادا دے ادارہ، روشن تنیجا اسکول آف ایکٹنگ وچ بطور اداکار دی تربیت حاصل کیتی۔2014ء وچ سیرت کپور نے "رن راجا رن" وچ ڈیبیو کیتا ہئی۔

کیریئر

سیرت کپور نے 2014ء وچ اعلان کیتا ہئی کہ اوہ سوجیت سائن (ریڈی) دی ہدایت کاری وچ اداکار شروآنند دے نال فلم وچ ݙکھائی ݙیسین، ایہ فلم "رن راجا رن" ہک تجارتی کامیاب فلم ہئی۔

2015ء وچ مدھو بی تے این وی پرساد نے ایکشن فلم "ٹائیگر" وچ گنگا دا کردار ادا کرݨ کیتے انہاں کوں سائن کیتا۔ وارانسی دے پس منظر وچ بݨݨ آلی ایں فلم وچ سندیپ کشن تے راہول رویندرن نے وی اداکاری کیتی ہئی۔ انہاں دی اڳلی ریلیز (2015ء) اشونت کمار سہدیو دے ذریعہ تیار کردہ، شم شمات دی ہدایت کاری وچ رومانٹک کامیڈی، "کولمبس"، وچ سومتھ اشون دے نال آئی ہئی۔ نیرجا دے کردار وچ سیرت کپور دی اداکاری کوں ٻہوں سراہیا ڳیا۔

2017ء وچ، انہاں نے فلم "راجو گاری گڑھی 2" وچ اکنینی ناگ ارجن تے "ٹچ چیسی چھڈو" وچ روی تیجا تے "اوکا شنم" وچ الو سریش دے نال کم کیتا۔

سیرت کپور نے ویویل سمیت متعدد برانڈز تے مصنوعات دی تشہیر کیتی، اینگولو کولون سپرے، دباکر بنرجی کیتے اپولو ٹائر،مہندرا گسٹوتے انٹیکس فرحان اختر دے نال اشتہارات وچ کم کیتا۔

ݙوجھے کم

اداکاری تے رقص دے علاوہ، سیرت کپور 12 سال توں راجری اسکول آف میوزک دے تربیت یافتہ ہندوستانی کلاسیکل گلوکار ہن۔