سیرب

نکے ہوندے ہاسے سیرب کراوݨ دا ݙاڈھا ترہو چڑھدا ہا ،نئی آہتھی ہا ہفتہ ݙاہ ݙینھ بعد اَمدا ہا ۔ وَٹی تے اُسترا کِلیندا ہا ،سریر چڑھدی ہئی ،سیرب کراوݨ ویلے پکڑ ٻاہندے ہَن ۔ ٻال اَکھیندے ہَن جو خط کرویسوں  ،نئی پہلے مشینی پھریندا ہئی وَل اُسترے نال گنج کر ݙیندا ہئی ۔نئی جھنڈ لہاوے ہا تاں  اونکوں  موکھ مِلدی ہئی ۔ اوندی رچھاݨی ءِچ اُسترے ، قینچی ، نہرݨ ، وَٹی ، مشین تے نک چوݨاں  ہوندا ہئی ۔نک ءِچ وال نہ وی ہوندے ہَن تاں  وَل وی ناس ءِچ نک چوݨاں  مریندا ہا تاں  ݙاڈھی کاوڑ چڑھدی ہئی ۔ نئی پرے دی کانڈھ ݙیندا ہا تے تہوراں  وی ٻلہیندا ہا ۔ شادی تے مراثی دے نال اونکوں  وی ویل ملدی ہئی ۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان