سید رشید الدین

آپ پیر محمد یاسین عرف پیر روضے والے دے پتر ہن۔ آپ ڳوٹھ تلاہ ضلع لاڑکانہ اِچ1254ھ وچ ڄمے۔ سلسلہ نسب حضرت علی کرم اللہ وجہہ‘ نال ونڄ رَلدے نے۔ چھوٹی عمر وچ اِی بزرگی دے آثار پائے ویندے ہانے۔ اپݨے ابّے ہوراں اَتے مرشد دے نال ذکر فکر اِچ لڳ ڳئے۔ وݙے عبادت گزار ہن۔ درود وظیفے اشراق تہجد وغیرہ دی وی پابندی رکھیندے ہن۔ 63سال دی عمر وچ اللہ کول ونڄ پُڄے۔ پنج پتر تے چار دھیاں ہانے۔

آپ دی سرائیکی کافیاں معرفت دیاں کافیاں ہن۔ جا جا تے قرآنی آیات تے احادیث دے حصے نظردن۔ وحدت الوجود انہاں دا خاص موضوع ہا۔ حقیقی عشق دا رنگ چوکھا انہاں دے شعراں وچ ملدے۔

کافی

ݙیکھ حسن سارا ہوش ڳیا

جند جان عشق تھیا امام

دِلڑی میݙی دست کتوئی

گھت کے زلف دی دام

فہم عقل سب چھوڑ ڳیا

ہُݨ میں مست مدام

دنیا دفع تھی ڳئی سب

ظاہر باطن ہر مظہر وچ

حسن ھلایا مکام

الف ریہا ڳیا لام

وحدت والا وہم گھناں کر

مار نبی وچ مام

ذاتی دے وچ ظاہر ہوئی

سمنجھ سید رمز سوہݨے دی

عبدیت تے اسلام

نہیں نہ تھیسی نظام

ہو ہو دے وچ ہو سب ہوئی

غیر ڳیا کل کام

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان