سید ثابت علی شاہ ثابت

سید ثابت علی شاہ ثابت ملتانی دا ناں وی سندھی زبان دے قدیم مرثیہ گو شعراء وچ سرفہرست ہے ۔ آپ ملتان دے رہݨ والے ہن۔ شروع وچ سندھ دے مشہور فارسی شاعر محسن ٹھٹھوی دے پتر غلام علی مداح دے درس وچ شامل ریہے ۔ میاں سرفراز کلہوڑے نال انھاں دی سنگت پئے ڳئی۔ میاں سرفراز دے زوال دے بعد ثابت ٹھٹھہ توں سہوݨ شریف منتقل تھی ڳئے۔ تالپوراں دے دور وچ آپ کوں وݙی عزت ملی ۔ میر کرم علی خان نے آپ کوں اپݨا درباری شاعر بݨایا۔ سندھ وچ مرثیہ نگاری دی تاریخ تے آپ دے اشعار سند دا درجہ رکھدن ۔جیندا مطلب اے ہے ’’ایں توں پہلے سندھ وچ مرثیہ موجود کائنا ہئی اگر کہیں جا ہا وی سہی تاں ہر جا مشہور نہ ہا۔ میکوں دوست نے آکھیا ہندی زبان وچ مرثیہ ٻہوں دردناک ہے ۔ توں وی کجھ سندھی شعر وچ ماتم تے مرثیہ تصنیف کر۔‘‘

ثابت سئیں دا ہک شعر ہے:

شاہ جے تابوت ساں مصطفی روندے ہیلوو

مصطفیٰ روندے ہیلو تاں خود خدا روندے ہیلوو

  سید ثابت علی شاہ ثابت دے بارے اِچ آکھیا ویندے کہ سندھی ‘ فارسی دے علاوہ اپݨی مادری زبان سرائیکی دے وی مرثیہ گو شاعر ہن۔ آپ1810ء وچ سیہوݨ شریف وچ فوت تھئے۔

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان