سید امام الدین بھکری
(م 975؍1567)
اوچ شریف دے بخاری خاندان وچوں ہن۔ انھاں دا مزار بھکر ضلع میانوالی وچ ہے آپ دی قلمی کتاب خلاصتہ الادوار وچوں ہک بیت:
زندگی دا وساہ نہیں ‘ سمنجھ فریدا توں
کرے اچھے عمل تے ہو جا سرنگوں
ایں بیت دی زبان کتنی صاف تے نتانرویں ہے ۔ اصل وچ بابا فرید دا کلام کئی منزلاں طے کریندا اساݙے تیں پُڄے۔ ہِیں کیتے ڈھیر سارا رلوڑ ملوڑ یا اوندیاں مختلف صورتاں کلام دا حصہ بݨ ڳن۔ ڈاکٹر موہن سنگھ دیوانہ پنجابی ادب دی تاریخ وچ بابا فرید دے 15بیت درج کیتن۔ جیڑھے گرنتھ صاحب توں ٻاہر دے ہن۔(66)
فریدا دنیا دے لالچ لڳیاں محنت ٹھل ڳئی
جاں سر آئی آپݨے تاں سبھو وِسر ڳئی
اینویں محمد آصف خان وݙا ترلا کر تے گرنتھ توں ٻاہر دے 83بیت اپݨی کتاب ’’آکھیا بابا فرید نے‘‘ وچ شامل کیتن۔
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان