سید الیاس رشیدی
سید الیاس رشیدی ہک مشہور صحافی ہن جئیں نے پاکستان دے پہلے فلمی اخبار 'نگار' دی بنیاد رکھی تے 'نگار ایوارڈ' شروع کیتا۔ اوہ ۱۹۲۵ء اچ ڄمیے ہن تے ۷ اگست ۱۹۹۷ء کوں فوت تھی ڳئے۔ الیاس رشیدی نے پاکستانی فلم انڈسٹری کیتے ٻہوں کم کیتا۔ اوں نے ہفت روزہ 'نگار' جاری کر کے فلمی دنیا کوں عروج بخشیا۔ ۱۹۵۴ء اچ اوں نگار ایوارڈ شروع کیتا تاکہ فلم انڈسٹری دے بہترین فنکاریں، گلوکاریں، موسیقاریں تے ٻئے لوکیں دی حوصلہ افزائی کیتی ونڄے۔ انہیں دے ایوارڈز نے کئی سالیں تک فنکاریں دی خوب پذیرائی کیتی۔