سید احمد کبیر بخاری

آپ سیّد السادات سید جلال بخاریؒ دے پُتر اَتے خلیفۂ اعظم ہَن۔ پِیؤ دے جھوک لݙا ون٘ڄݨ دے بعد مسندِ ارشاد دے مالک بݨے^[١]۔

سیّد احمد کبیر بخاری سہروردی

سئیں احمد کبیر بخاری سہروردی سئیں سیّد السادات سید جلال بخاریؒ دے پُتر اَتے خلیفۂ اعظم ہَن^[١]۔

نسب

سید احمد کبیر بن جلال بخاری بن سید علی الموئد بن جعفر بن محمد بن محمود بن احمد بن علی اصغر بن جعفر ثانی بن علی نقی بن محمد تقی بن علی رضا بن جعفر الصادق بن محمد باقر بن زین العابدین بن حسین بن علی ابن ابی طالب(علیہ السلام)۔

خلافت تے احوال

سئیں سیّد السادات دے جھوک لݙا ون٘ڄݨ دے بعد مسندِ ارشاد دے مالک بݨے۔ سئیں اَݨ ڳِݨَت مرید ہَن۔ اَتے اُنّھاں وِچ ڈِھڳ قطب اَتے ابدال ہَن۔ خلیفیاں وِچ سید جلال سلہٹی دا ناں ڈھیر مشہور ہِے^[١]۔

سیّد جلال سلہٹی

ایہ سئیں سیّد السادات سید جلال بخاریؒ دے ݙوترے اَتے سید احمد کبیر بخاریؒ دے بھݨین٘ڄے ہَن۔ سئیں ہالی ترے مہینے دے ہَن جو انّھاں دی اَمّاں سئیݨ جھوک لݙا ڳئے۔ اَتے ابّا سئیں ہِک لڑائی وِچ دادِ شجاعت ݙین٘دے ہوئے پہلے ای شہید تھی چُکّے ہَن^[٢]۔ اَتے سیّد السادات نے انّھاں دی آپݨی تربیّت وِچ گِھن گِھدّا۔ جہڑیلے اُوہ عالمِ قدس کوں تشریف گِھن ڳئے تاں سیّد احمد کبیر بخاریؒ نے انّھاں اُتّے آپݨی شفقت دا سایہ پاتا۔
شیخ جلالؒ نے تِرِیہہ ورھیں آپݨے ماموں اَتے مُرشد دی ہدایت دے مطابق حجرے وِچ عبادت کِیتی۔ اَتے وَل انّھاں کوں مُرشد دی طرفوں بنگال وِچ جہاد کرݨ کِیتے ٹوریا ڳِیا^[١]۔

ٻِیا ݙیکھو

حوالے

1 2 3 4 مولانا نور احمد خان فریدی، تاریخ ملتان (جلد اوّل)، قصر الادب رائٹرز کالونی، ملتان۔صفحہ نمبر 149۔
↑ ملفوظ المخدوم۔ صفحہ ٥٥١۔

۔

[:0-1] 1 2 3 4 مولانا نور احمد خان فریدی، تاریخ ملتان (جلد اوّل)، قصر الادب رائٹرز کالونی، ملتان۔صفحہ نمبر 149۔

[2] ملفوظ المخدوم۔ صفحہ ٥٥١۔

[١]

[٢]