سیدہ شہر بانو نقوی

سید شہر بانو نقوی
معلومات شخصیت
مقام پیدائش	فیصل آباد
شہریت	پاکستان
عملی زندگی
پیشہ	پولیس افسر

سیدہ شہر بانو نقوی ہِک پاکستانی پُولس افسر ہِے جہڑی لاہور دے علاقے گلبرگ وِچ اسسٹنٹ سپرنٹنڈنٹ برائے پُولس (اے ایس پی) دے طور تے خدمتاں انجام ݙین٘دی پئی ہِے۔

ابتدائی حیاتی اَتے تعلیم

شہر بانو نقوی فیصل آباد، پنجاب، پاکستان وِچ سیّد حسنات جاوید اَتے مصباح نقوی دے  گھر ڄَمّی ہَئی۔ اِین٘دے ٹٻَّر دا تعلق اصل وِچ ضلع اوکاڑہ دے دیہی علاقے نال ہَئی، جہڑا پاکستان دے پنجاب وِچ ہِے۔ اِیں نے آپݨی  ابتدائی تعلیم کِیتے فیصل آباد وِچ لٹل اینجلز وِچ تعلیم حاصل کِیتی۔ اِیں نے بیکن ہاؤس سکول سسٹم کنوں او-لیول مکمل کِیتا۔ اِیں نے لاہور دے علاقے گلبرگ وِچ واقع ایس آئی سی اے ایس کنوں اپݨی اے-لیول مکمل کِیتی۔ اِیں نے پبلک مینجمنٹ وِچ بی ایس آنر مکمل کرݨ کِیتے لاہور وِچ پنجاب یونیورسٹی کیمپس وِچ تعلیم حاصل کِیتی۔ اِین٘دی مہارت پبلک پالیسی اَتے گورننس ہَئی۔ اِیں نے پبلک پالیسی اَتے گورننساَتے چائلڈ لیبر وِچ مہارت حاصل کرݨ آلی پنجاب یونیورسٹی وچوں ایم فل وی کِیتا۔

کیرئیر

اِین٘دی پہلی پُولس نوکری فیصل آباد دے علاقے صدر وِچ ہَئی جین٘دے وِچ سندلبار، صدر اَتے ٹھکڑی والا شامل ہَن۔

سرگرمیاں

اِیں نے ٹرانس جینڈر کمیونٹی اَتے زانوراں کوں بد سلوکی کنوں بچاوݨ کِیتےفعال طور تے وکالت کِیتی۔ ٻِیا ایہ جو اُوہ نوجواناں کوں معاشرے وِچ پنجاب پُولس دے سفیر دے طور تے خدمتاں انجام ݙیوݨ دی ترغیب ݙین٘دی رہی ہِن۔

شہر بانو نقوی نے ہِک پریشان تریمت کوں مشتعل جَتّھے کنوں بچاوݨ کِیتے مداخلت کِیتی۔ جین٘دے تے اِیکوں با وقار قائد اعظم پُولس میڈل نال نوازیا ڳِیا، جہڑا بہادری دا ساریاں کنوں وݙّا اعزاز ہِے۔

آن لائن وݙے پیمانے اُتے جاری تِھیوݨ آلی ویڈیو وِچ، نقوی کوں لوکاں دے ہِک جَتّھے دی گرما گرم صورتحال کوں مُکاوݨ دی کوشش کرین٘دے ہوئے ݙِٹّھا ڳِیا ہَئی، جیکوں مبینہ طور تے ہِک مقامی کھاݨے دی دُکان تے ہِک تریمت دے نال مشتعل کِیتا ڳِیا ہَئی۔ اِیں تریمت نے عربی لِکھت نال سن٘وریا ہِک لباس پاتا ہوئیا ہَئی، جین٘دے نال اُتّھوں دے موجود لوکاں وِچ غصہ پھیل ڳیا جو غلطی نال اِیہ مَنین٘دے پئے ہَن جو اِین٘دے وِچ قرآن دیاں آیتاں لکھیاں ہوئیاں ہِن۔

انعام یافتہ

پنجاب دی وزیر اعلیٰ مریم نواز نے تریمت دی جان بچاوݨ کِیتے اُنّھاں دی ہمّت، دانش مندی اَتے ذِمّے واری کوں سراہیا۔