سیاست تے مذہب
سیاست مزھب
پاکستان دی سیاست اُنویں تاں کوئلے دی غار ھے جیرھا پیٹھے مونھ کالا کر کے نکھتے پَر کجھ جماعتیں کوں صرف مزھبی جماعتاں سمجھا ویندے تے انھیں تیں تنقید کیتی ویندی ھے کہ مزھب دے ناں تیں سیاست کریندئن اگر غور نال ڈیکھوں تاں انھیں جماعتیں مزھب دے بجائے فرقہ پرستی دی سیاست کیتی ھے مختصر حوالے تھاڈی نظر پیپلز پارٹی ،،،آپکوں لبرل سمجھنڑ آلی جماعت روشن خیالی دا پرچار کرنڑ آلی پارٹی اھل تشیع حضرات کوں آپڑیں نال سلھاڑ کے کئ قلعے فتح کیتن ایں جماعت دے سابقہ و موجودہ لیڈر بنھیں فرقیں ءچ اج وی مشکوک ہن بہر حال اھل تشیع بھٹو بی بی بنظیر تے بلاول کوں شیعہ تسلیم کریندن ،تے پیپلز پارٹی وی فرقہ پرستی آلا پتہ بہوں سوھنڑاں کھیڈدی ھے مسلم لیگ نون،ایں پارٹی تیں الزام لگدے اے دھشت گردیں کوں سپورٹ کریندی ھے یعنی دیوبندی طبقہ اکثر نواز شریف دا حامی رہ گئے خاص کر سپاہ صحابہ دا ناں گھن کے کافی تنقید تھیندی رہ گئ اگر ڈیٹھا ونجے علماء دیوبند جعلی پولیس مقابلیں ءچ مسلم لیگ نون دے دور ءچ مریندے رہ گئین، ہن تاں کافی سارے جئیندے ءچ ملک اسحاق سر فہرست ھے جیرھا سپاہ صحابہ دا عظیم لیڈر سمجھا ویندا ھا خیر مسلم لیگ نون واقعی ایں کم ءچ ملوث رہ گئ، جمیعت علماء السلام ف،،مولانا فضل الرحمن ،جئیندا تعلق دیوبند طبقے نال ھے انھیں دے حامی نوے فیصد دیوبند ہن لہزا فرقہ پرستی دا کارڈ کھڈنڑ دی ضرورت ہی نئیں پوندی البتہ اے سیاست صرف مولانا کر سگدے کہ پانڑی تے بھاء یعنی دیوبندی ،،شیعہ،، کٹھے ہکے سٹیج تیں ہتھ ءچ ہتھ پاء کے کھلدے کھڑے ھوون ، نویں نکور جماعت تحریک لبیک ،،شھید ممتاز قادری دی شھادت دے بعد وجود ءچ آونڑ آلی جماعت بریلوی طبقے کوں مقناطیس وانگوں چھکیے نعرہ اینجھا کہ بندہ ایں جماعت ءچ شامل تھیونڑ اعزاز سمجھے خیر ایں جماعت وی بنھیں وانگوں فرقہ پرستی دا کافی ووٹ گھدا مگر ،،،،وقت دے کافریں بقول رضوی صاحب،، ایں جماعت کوں دھشت گرد قرار ڈے ڈتا، دوستو بزرگو بھائیو انھیں ساریں سیاسی جماعتیں مزھب دے ناں تے سیاست نئیں کیتی انھیں فرقے دے سر تیں سیاست کیتی ھے مزھب تاں اوتریں دا ہکو ھے اتھاں کیویں سیاست تھیوے ھا آسان رستہ ھے فرقہ فرقہ کھیڈو مال بنڑاؤ ،،شاباش کڈھو فتوے میکوں شروع تھی ونجو ،جی ھا تھاڈا نیاز مند ،،،جمیل حیدری