سیاستداناں دا روشا

اُڈھائیں جُوار تھیندی ہئ چنڑے ہوندے ہن رڑھ فصل کتھائیں کتھائیں تھیندی ہئ او خوش نصیب ہوندا ہا جئیندا بند بھریج پووے ہا۔ اے گالھیں دامان آلے لوک زیادہ جانڑدن۔ گڈھاں کھوتے فصل تباہ کریندے ہن ۔انھیں کھوتیں دے مالک ت کھوتیں کوں سزا ڈیونڑ لو ۔ساڈے وسیب ءچ پھاٹک ہوندے ہن ۔زیادہ تر پھاٹک کھوتے لگدے ہن ۔پھاٹک کیا ہا ہک کھولا ہوندا ہا جئیندی نہ چھت ہوندی نہ دروازہ ۔کھوتیں کوں اندرو ڈھک کے ۔دراوزے ت ہک ادھ ڈھینگری سٹ ڈیندے ہن۔گرمی ہے یا سردی کھوتے کھڑن۔ بکھ تس سب کجھ برداش کر ویندے ہن کجھ شودے تاں مر ویندن ہن ۔مگر ڈھینگری توں ٹپ مار کے باہرو نہ نکلدے ہن ۔اے گال اتھائیں ختم ۔ محترم۔ سرائیکی وسیب دے ایم این اے ایم پی اے تقریباً ہک ڈو ٹبر ہے ہک ویندے بیاء آ ویندے ۔وسیب ءچ کتناں ترقی تھئ ہے تھاڈے میڈے سامنڑے ہے ہر واری جیکوں عزت ڈتی سے او کڈھائیں میڈے غم ءچ شامل تھئے یا خوشی ءچ۔خوشی غم چھوڑو میڈی نسل دی خوشحالی واسطے کیا کیتس ۔جواب۔کجھ نسی کیتا ۔وت وی ووٹ اوکوں کیوں ڈیندے ہیں ۔اساں پھاٹک جو لگے کھڑے ہیں۔

پیسے کئیں کھادن ۔باہر مُلک جاگیراں کئینداں ہن ۔انھیں دے بال ساڈے ملک ءچ کیوں نیں آندے ۔اُو آھدن اُتھاں ساکوں جان دا خطرہ ہے ۔ساڈے لیڈر جڈاں باہر ملک ویندن اتھاں انھیں دی اوقات چپڑاسی جتناں نیں ہوندی اوھا اوقات میڈے مُلک ءچ کیوں ودھ ویندی ہے ۔باہر ملک ءچ جیکوں سلام کوئ نیں ولیندا ۔اوندی گڈی دے اگو پچھو لوسی کتے وانگوں درکدے ہیں متاں ہڈی ملدی ہووے کیوں کیوں جو اساں پھاٹک لگے کھڑے ہیں۔ غریب تے کیس تھیندے بکری دا کبوتر دا تساں اساں علاقے دے کونسلر کوں ونج ڈسیندے ہیں او رہزن دا پتر فٹ آھدے پولیس اتناں پیسے گھنسی چھوڑ ڈیسی اساں کڈھائیں اے سوال نیں کیتا جڈاں پولیس کوں پیسے ڈے کے کیس ختم کراونڑے وائے نچھ حرام دی تئیں کیوں ووٹ منگیے ہن توں کیرھی شئ دا خان ہیں لعنتی آ۔نہ بلکل نہ اساں اے گال کیویں کروں اساں پھاٹک لگے کھڑے ہیں

نانا لیڈر نانے دی دھی لیڈر دھی دا گھر آلا لیڈر اوندا پتر لیڈر اوندیاں بھینڑیں لیڈر ۔ہکو گھر دے سارے لیڈر کیا کیتے نے یار پچھلیں دا تاں پتہ نیں جیرھے ہُنڑ ہن انھیں تاں ککھ وی نیں کیتا ایویں تماشہ لئ کھڑن ۔اساں ووٹ پچھلیں دے مونھ کوں ڈیکھ کے ڈیندے ہیں ۔کیوں؟ کیونکہ اساں پھاٹک لگے کھڑے ہیں۔۔۔اچھا ناراض نہ تھیوو میں تھاڈے نال کھڑاں ۔جمیل بلوچ