سیاح

ازمنہ قدیم اَتے ازمنہ وسطیٰ دے چینی اَتے عرب سیاح دے دنیا گھُمݨ دے بعد یورپی اہل علم یورپ ءِ چ نشاۃ ثانیہ شروع کیتا تاں او زندگی دے ہر شعبے ءِ چ تحقیق کرݨ نِکتے ۔ یورپی سیاح دنیا دے اکتشافی سفر تے نِکتے ۔ مار کوپولو پہلا مغربی سیاح ہا جئیں دنیائے مشرق ءِ چ اپݨے سفر دی رواداد اپݨے سفر نامے ءِ چ قلمبند کیتی ۔بر صغیر پاک و ہند شروع ہی کنوں مغربی سیاحیں کیتے کشش داباعث ہا اَتے ٻہوں سارے یورپی ہندو ستان دی سیاحت تے آئے ۔اے یورپی سیاح برصغیر دے شمالی حصے دی سیاحت تے نِکتے تاں او ملتان ضرور آئے ۔کجھ یورپی سیاح دے سفر نامیں ءِ چوں ملتان دے بارے ءِ چ انہاں دے تاثرات بیان کریندوں ۔ برصغیر پاک و ہند دی سیاحت تے جیڑھے پہلے سیاح آئے او مغل شہنشاہ بابر دے زمانے ءِ چ آئے ہَن انہاں دے ناں ایہ ہِن رالف فنچ ، جان میلڈن ہال ، ولیم ہاکنس ، ولیم فیچ ، نکو لا س ودانگٹن ، تھامس کوریات ، ایڈورڈٹیری ، جیڑھے مورخین ݙتے ۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء