سہیر حماد

سہیر حماد
(عربی میں: سهير حماد)
معلومات شخصیت
پیدائش	25 اکتوبر 1973ء (52 سال)  عمان
شہریت	ریاستہائے متحدہ امریکا ریاستِ فلسطین
عملی زندگی
پیشہ	شاعرہ ،  ادکارہ ،  مصنفہ
مادری زبان	انگریزی
پیشہ ورانہ زبان	انگریزی
اعزازات
امریکن بُک ایوارڈ   (2009)
ویب سائٹ
ویب سائٹ	باضابطہ ویب سائٹ
	IMDB پر صفحہ

سہیر حماد (انگریزی: Suheir Hammad) (پیدائش: 25 اکتوبر 1973ء) ہک امریکی شاعرہ، مصنفہ، فنکار تے سیاسی فعالیت پسند ہن۔ اوہ اردن دے دارالحکومت عمان وچ پیدا تھئین۔ انّھاں دے والدین فلسطینی پناہ گزین ہن جیڑھے اپݨی ڄائیں دے نال نیویارک دے شہر بروکلن چلے ڳئے ہن۔ ایں ویلے انّھاں دی عمر پنج سال دی ہئی۔ بعد وچ انّھاں دے والدین انّھاں دے نال اسٹیٹن جزیرہ چلے ڳئے۔

جݙاں نوجوانی وچ بروکلن وچ پلیاں وݙیاں ہن، حماد بروکلن دے متحرک ہپ ہاپ موسیقی دے مناظر توں ٻہوں زیادہ متاثر تھئین۔ حماد کوں 1948ء وچ فلسطینیاں دے انخلا توں پہلے اپݨے آبائی شہر لد وچ اپݨے والدین تے دادا دادی دیاں کہاݨیاں سݨیاں تے ایہ ڄاتا جو بعد وچ اوہ کین٘ویں تکلیف نال غزہ پٹی تے ول اردن وچ تکلیفاں جھلیاں۔ انہاں متفرق اثرات دی وجہ نال حماد نہ صرف تارکین وطن دے طور تے، ہک فلسطینی تے مسلمان دی حیثیت نال، بلکہ اوہ معاشرے دے ورثے وچ ہر امتیاز بشمول جنسی امتیاز دے خلاف جدوجہد کرݨ والی زنانی بݨین تے ہک شاعرہ دی حیثیت نال اپݨے کم دا راستہ طے کیتا۔

عملی حیاتی

جݙاں ہپ ہاپ کاروباری شخصیت رسل سیمنس نے "11 ستمبر دے حملیاں تے انّھاں دے رد عمل" دے متعلق ہک نظم "پہلی تحریر توں" دے عنوان نال لکھی ہوئی ݙٹھی، تاں انہاں نے ایچ بی او دے ڈیف شاعری جام دے نال ہک معاہدے تے انّھاں دے نال دستخط کروائے۔ انّھاں نے اڳلے ݙو سالاں وچ ٹور تے اصل تحریر کردہ شاعری پڑھی۔ 2008ء وچ انیماری جاکر دے ذریعے سنیما وچ اپݨے پہلے افسانوی کردار دے طور تے فلسطینی فلم سالٹ آف دی سی (2008ء) وچ انّھاں نے کم کیتا تے ایہ انّھاں تے فلمایا ڳیا ہئی۔ ایہ کان فلم فیسٹیول وچ وی پیش کیتا ڳیا ہئی۔ ایں طرح سہیر حماد فلم، موسیقی، شاعری تے ناٹکاں نال جڑیاں ہوئیاں ہن تے ہک فلسطینی فعالیت پسند وی ہن۔